গোৱালপাৰা,১৮ মাৰ্চ: ৰাজ্যত আগন্তক বিধানসভাৰ তৃতীয় পৰ্যায়ৰ নিৰ্বাচনৰ বাবে ৩৬ নং দুধনৈ বিধানসভা সমষ্টি (এছটি)ৰ বিজেপি প্ৰাৰ্থী শ্যামজিত ৰাভাই মনোনয়ন পত্ৰ দাখিল কৰে । মনোনয়নৰ প্ৰাকমুহুৰ্তত দলীয় সমৰ্থকৰ সৈতে চহৰখনৰ মাজ-মজিয়াৰে বিশাল সমদলেৰে আহি জিলা উপায়ুক্ত কাৰ্যালয়ৰ নিৰ্বাচনী শাখাত মনোনয়ন পত্ৰ দাখিল কৰে ।
সমদলত ৰাভা হাছঙৰ কলা-কৃষ্টিৰ লগতে সমষ্টিটোৰ কেইবা হাজাৰ লোকে অংশগ্ৰহণ কৰে । মনোনয়ন পত্ৰ দাখিলৰ সময়ত শ্যামজিত ৰাভাক সংগ দিয়ে ৰাভা হাছং স্বায়ত্ব শাসিত পৰিষদৰ মুখ্য কাৰ্যবাহী সদস্য টংকেশ্বৰ ৰাভা, বিজেপি জিলা সভাপতি হিমাদ্রী দাসে ।
লগতে পঢ়ক: বকোত উপস্থিত ছত্তিশগড়ৰ মন্ত্ৰী গুলাব কাম্ৰোসহ পাঁচজনীয়া দল
