নগৰবেৰাত ভয়ংকৰ পথ দুৰ্ঘটনাত আহত 6

শনিবাৰে নগৰবেৰাৰ জামলাইত এখন যাত্ৰীবাহী বাহন আৰু সুৰা ভৰ্তি বাহনৰ মাজত মুখামুখি সংঘৰ্ষ হয় ৷ সংঘৰ্ষটোত বাহন দুখনৰ চালক,যাত্ৰীকে ধৰি 6জন লোক গুৰুতৰভাৱে আহত হয় ৷ মদ্যপান কৰি গাড়ী চলোৱাৰ বাবেই দুৰ্ঘটনাটো সংঘটিত হয় বুলি স্থানীয় ৰাইজে প্ৰকাশ কৰে ৷

গোৱালপাৰা, 4 জানুৱাৰীঃ গোৱালপাৰাৰ নগৰবেৰাত সংঘটিত হৈছে এক ভয়ংকৰ পথ দুৰ্ঘটনা ৷ শনিবাৰে চহৰখনৰ জামলাইত এখন যাত্ৰীবাহী বাহন আৰু সুৰা ভৰ্তি বাহনৰ মাজত মুখামুখি সংঘৰ্ষ হয় ৷ উল্লেখ্য যে,কুখ্যাত সুৰা ব্যৱসায়ী প্ৰকাশ দাসে AS-01DZ-3164 নম্বৰৰ বাহনখনেৰে নগৰবেৰালৈ আহি থকা অৱস্থাত এই ঘটনা সংঘটিত হয় ৷ তীব্ৰবেগী বাহনখনে বিপৰীত দিশৰ পৰা আহি থকা AS-25AC-2171 নম্বৰৰ যাত্ৰীবাহী বাহনত খুন্দা মাৰে ৷

সংঘৰ্ষটোত বাহন দুখনৰ চালক,যাত্ৰীকে ধৰি 6 জন লোক গুৰুতৰভাৱে আহত হয় ৷ আহত সকলক স্থানীয় হেকেৰা ৰাজ্যিক স্বাস্থ্যকেন্দ্ৰত ভৰ্তি কৰোৱা হৈছে যদিও দুজনৰ অৱস্থা সংকটজনক বুলি জনা গৈছে । দীৰ্ঘদিন ধৰি সুৰা ব্যৱসায়ী দাসে অঞ্চলটোত অবৈধ সুৰাৰ ব্যৱসায় চলাই আহিছিল। মদ্যপান কৰি গাড়ী চলোৱাৰ বাবেই দুৰ্ঘটনাটো সংঘটিত হয় বুলি স্থানীয় ৰাইজে প্ৰকাশ কৰে ৷

লগতে চাওকঃভোগালীৰ ভেলাঘৰ বান্ধি সাজু গোৱালপাৰাবাসী