গোৱালপাৰা, ১০ ফেব্ৰুৱাৰী: গোৱালপাৰা জিলাৰ ডেকধোৱা চিনিয়ৰ মাদ্ৰাছাৰ অষ্টম মান শ্ৰেণীৰ ছাত্ৰ আজিবৰ হুছেইন যোৱা ৯ দি ধৰি নিৰুদ্দেশ হৈ আছে । জিলাখনৰ শ্ৰী সূৰ্যগিৰী গাঁও পঞ্চায়তৰ অন্তৰ্গত ডেকধোৱাৰ বাসিন্দা ১৪ বছৰীয়া আজিবৰ হুছেইন ।
বিদ্যালয়লৈ বুলি ঘৰৰ পৰা ওলাই যোৱাৰ সময়তে আদবাটতে নিৰুদ্দেশ হয় আজিবৰ । পাচত আজিবৰৰ সমনীয়াই মাদ্ৰাছাখনৰ কাষতে থকা এখন পাহাৰৰ শিলৰ চেপাত আজিবৰৰ পৰিত্যক্ত বেগ প্ৰত্যক্ষ কৰে । পৰৱৰ্তী সময়ত বেগটো উদ্ধাৰ কৰি মাদ্ৰাছাৰ শিক্ষকক অৱগত কৰি ঘূৰাই দিয়ে । শিক্ষকজনে ফোনযোগে নিৰুদ্দেশ আজিবৰৰ মাতৃক মাদ্ৰাছালৈ মাতি পঠিয়াই বিষয়টো অৱগত কৰি উদ্ধাৰ কৰা বেগটো মাতৃক চমজাই দিয়ে ।
ইফালে আজিবৰৰ পৰিয়ালৰ লোকে চাৰিওফালে বিচাৰ-খোচৰা কৰে যদিও কোনো সন্ধান নোপোৱাত ডুবাপাৰা আৰক্ষী চকীত এক এজাহাৰ দাখিল কৰে । এজাহাৰ দাখিল কৰাৰ আজি ৯ দিন উকলি যোৱাৰ পাচতো কোনো শুংসূত্র লাভ কৰা নাই আৰক্ষী তথা পৰিয়ালৰ লোকে । এই সন্দৰ্ভত কোনো সদাশয় ব্যক্তিয়ে আজিবৰ হুছেইন নামৰ ছাত্ৰ গৰাকীৰ সম্ভেদ পালে ৭৮৯৬৬৬৫৮৬৫ নম্বৰত যোগাযোগ কৰিবলৈ অনুৰোধ জনায় পিতৃ-মাতৃয়ে ।
লগতে পঢ়ক:বিজেপিয়ে জাতি-জনগোষ্ঠীৰ স্বাৰ্থৰ বিৰুদ্ধে কাম কৰিছেঃ আৰ পি শৰ্মা
