জলেশ্বৰত পথৰ দুৰৱস্থাই জ্বলা কলা খুৱাইছে স্থানীয় ৰাইজক

জলেশ্বৰত বিধ্বস্ত গড়কাপ্টানী পথ । পথৰ মাজত থকা প্ৰকাণ্ড গাঁতে জ্বলা কলা খুৱাইছে স্থানীয় ৰাইজক ।

পশ্চিম গোৱালপাৰা,১১ আগষ্টঃ জলেশ্বৰ বিধানসভা সমষ্টিৰ অধীনস্থ লক্ষীপুৰ নগৰৰ পৰা হাসডোবা হৈ খলিচাভিটা লৈ যোৱা পথৰ দুৰৱস্থা৷ কিন্তু পথটো উন্নয়নৰ ক্ষেত্ৰত বিভাগীয় কৰ্তৃপক্ষই কোনো গুৰুত্ব নিদিয়াৰ অভিযোগ স্থানীয় ৰাইজৰ ৷ স্থানীয় ৰাইজৰ অভিযোগ জিলা খনত গড়কাপ্টানী বিভাগ বুলি কোনো বিভাগ নাই । আনকি স্থানীয় বিধায়ক ছাহাব উদ্দিন আহমেদেও সমষ্টি উন্নয়নত গুৰুত্ব নিদিয়াৰ অভিযোগ তুলিছে ভুক্তভোগী সকলে৷