গোৱালপাৰা, 4 মে’: গোৱালপাৰাৰ কাছুমাৰীত সংঘটিত হৈছে এক ভয়ংকৰ পথ দুৰ্ঘটনা । দুৰ্ঘটনাটোত থিতাতে দুজন লোক নিহত হোৱাৰ লগতে আহত হয় দুজন লোক । স্থানীয় ৰাইজে জনোৱা মতে নিহত লোককেইজনৰ নাম দীপাংক ৰাভা আৰু পল্লৱ ৰাভা । আনহাতে, আহত দুজন ভোটাচ সিং ৰাভা আৰু বিসঞ্জয় ৰাভা বুলি জানিব পৰা গৈছে । দুৰ্ঘটনাটো সোমবাৰে সন্ধিয়া তুৰা-পাইকান পথত সংঘটিত হয় ৷
গোৱালপাৰাৰ কাছুমাৰীত ভয়ংকৰ পথ দুৰ্ঘটনা
উল্লেখ্য যে, দুৰ্ঘটনাটোত নিহত হোৱা দীপাংক ৰাভা নৱ নিৰ্বাচিত জিলা আঞ্চলিক ৰাভা ছাত্ৰ সন্থাৰ সভাপতি আছিল । উক্ত ঘটনাটো এখন ৱাইগনৰ বাহনে নিয়ন্ত্ৰণ হেৰুৱাই পথৰ দাঁতিত বিদ্যুতৰ খুটাত খুন্দা মৰাত সংঘটিত হয় বুলি জানিব পৰা গৈছে । বৰ্তমান আহত ভোটাচ সিংক সংকট জনক অৱস্থাত গুৱাহাটীলৈ প্ৰেৰণ কৰাৰ বিপৰিতে আন গৰাকী আহত বিসঞ্জয় ৰাভা গোৱালপাৰাৰ চলেছ হস্পিতালত চিকিৎসাধীন হৈ আছে ।
লগতে পঢ়ক : আৰ্চাৰ জয়ন্ত তালুকদাৰক আইচিইউত ভৰ্তি
