গোৱালপাৰাত ধৃত বাইক চোৰ

গোৱালপাৰাৰ নগৰবেৰাত বাইক চোৰৰ সন্ত্ৰাস । নগৰবেৰা আৰক্ষীয়ে দুখন চুৰি বাইকসহ আটক কৰে ছফিকুল ইছলাম নামৰ এটা চোৰক ।

গোৱালপাৰা,21 মাৰ্চঃ গোৱালপাৰাত পুনৰ আৰক্ষীৰ জালত পৰিল চুৰি বাইকসহ এজন চোৰ ৷ নগৰবেৰা আৰক্ষীয়ে শুকুৰবাৰে নিশা চলোৱা অভিযানত কল্যাণপুৰৰ পৰা আটক কৰে ছফিকুল ইছলাম নামৰ দুৰ্ধৰ্ষ বাইক চোৰটোক ৷ ধৃত চোৰটোৰ ঘৰ বকোৰ মন্দিৰা গাঁৱত ৷ AS 01 BE 2294 আৰু AS 01 DW 7369 নম্বৰৰ চুৰি বাইক দুখন বিক্ৰীৰ বাবে গ্ৰাহক বিচাৰি থকা অৱস্থাত ছফিকুলক আটক কৰে আৰক্ষীয়ে ৷ বাইক চুৰিৰ ঘটনাত জড়িত পানীখাইতীৰ মজনুৰ ৰহমান নামৰ আন এটা চোৰ সম্প্ৰতি পলাতক অৱস্থাত আছে ৷ ঘটনা সন্দৰ্ভত আৰক্ষীৰ তদন্ত অব্যাহত আছে ৷ আটকাধীন বাইক চোৰটোক আৰক্ষীয়ে আদালতলৈ প্ৰেৰণ কৰিছে ৷

লগতে চাওকঃ মহানগৰীৰ দুটাকৈ স্থানত গ্ৰেপ্তাৰ ড্ৰাগছ সৰৱৰাহকাৰী