গোৱালপাৰা, ২ জুলাইঃ গোৱালপাৰাৰ জাৰিহাত পথৰ বিধ্বস্ত ৰূপ । পথৰ জৰাজীৰ্ণ অৱস্থাই জ্বলা-কলা খুৱাইছে স্থানীয় ৰাইজৰ লগতে স্কুলীয়া ছাত্ৰ-ছাত্ৰীক। উপায়ন্তৰ হৈ ৰাইজে মেৰামতি কৰিলে পথটোত থকা বাঁহৰ দলং ।
গোৱালপাৰা ধূপধৰাৰ ৩৭ নং ৰাষ্ট্ৰীয় ঘাইপথ সংযোগী জাৰিহা পথছোৱাৰ দুৰৱস্থাৰ বাবে খেতি পথাৰৰ কাম বাদ দি দলং মেৰামতিৰ বাবে ওলাই আহিবলগীয়া হৈছে । উক্ত পথচোৱাত থকা দুখন নদী পেটাবগলা আৰু মৰানদীৰ ওপৰত থকা দলং দুখনে টোপনি কাঢ়িছে স্থানীয় ৰাইজৰ । নদী দুখনৰ গভীৰতাৰ বাবে অভিভাৱক সকলে ল'ৰা-ছোৱালীক বিদ্যালয়লৈ পঠিয়াবৰ বাবে চিন্তাত পৰিছে । তাৰোপৰি সংকটজনক ৰোগীক চিকিৎসালয়লৈ নিবলৈ এম্বুলেঞ্চ আহিবলৈও নাই এটি পথ । সেয়ে বাৰিষা খেতি পথাৰৰ কাম বাদ দি ৰাইজে ছাত্ৰ-ছাত্ৰী সকলৰ লগতে পথচাৰীৰ সুবিধাৰ প্ৰতি লক্ষ্য ৰাখি পুনঃ দলংকেইখনৰ নিৰ্মাণত ব্যস্ত হৈ পৰিছে ।
দুখৰ বিষয় যে, স্বাধীনতাৰ ৭০ টা বছৰ অতিক্ৰম কৰাৰ পিছতো উন্নয়ণ নহ'ল উক্তপথটোৰ । পকী দলং দূৰৈৰ কথা এখন কাঠৰ দলঙো নহ'ল জাৰিহা পথত । ফলত বাৰিষা অহাৰ লগে লগে সংকিত হ'ব লগা হয় ছাত্ৰ-ছাত্ৰ অভিভাৱক সকল । দীৰ্ঘ দিন ধৰি স্থানীয় বিধায়কৰ লগতে গড়কাপ্তানি বিভাগক দলং দুখন নিৰ্মাণ কৰিবলৈ অনুৰোধ কৰি আহিছিল যদিও কোনো দিনে ৰাইজৰ সমস্যাৰ প্ৰতি গুৰুত্ব নিদিলে স্থানীয় বিধায়কৰ লগতে বিভাগীয় কৰ্তৃপক্ষই । অৱশেষত ৰাইজ অতিষ্ঠ হৈ পথটোত থকা পুৰণি বাঁহৰ দলংখনকেই মেৰামতি কৰিবলৈ ওলায় আহিল। এতিয়া প্ৰশ্ন হয় পৰিবৰ্তনকামী বিজেপি চৰকাৰ খনে ৰাইজক দিয়া প্ৰতিশ্ৰুতি কেতিয়াবা পালন কৰিবনে ?
লগতে আন এটা বাতৰি - এসময়ৰ অসমৰ সৰ্ববৃহৎ দীঘল কাঠৰ দলঙখন এতিয়া সেই ঠাইত নাই
3726475
