ডিমা হাছাও, 1 অক্টোবৰ: উত্তৰ কাছাৰ পাৰ্বত্য স্বায়ত্ব শাসিত পৰিষদৰ ইএম গোলঞ্জ থাওচেনৰ বিৰুদ্ধে হাফলং আৰক্ষী থানাত বৃহস্পতিবাৰে হাফলং আৰক্ষী থানাত গোচৰ ৰুজু ডিমাচা অ’মেন চ’ছাইটিৰ সভানেত্ৰী ৰিংমিলা হোজাইৰ ।
সভানেত্ৰী ৰিংমিলা হোজাইয়ে সংবাদ মাধ্যমৰ আগত সদৰি কৰা অনুসৰি,ৰিংমিলা হোজাই সুস্মিতা হাগজাৰ নামৰ এগৰাকী মহিলাৰ ঘৰত ভাড়াতীয়া হিচাপে আছিল । কিন্তু কিছুদিন পূৰ্বে উত্তৰ কাছাৰ পাৰ্বত্য স্বায়ত্ব শাসিত পৰিষদৰ ইএম গোলঞ্জ থাওচেন আৰু মৃত্যুঞ্জয় থাওচেন নামৰ এজন লোকে ভাড়াঘৰৰ পৰা ৰিংমিলা হোজাইক উলিয়াই দিবলৈ সুস্মিতা হাগজাৰক সকীয়নি প্ৰদান কৰে ৷ অন্যথা সুস্মিতা হাগজাৰৰ চাকৰীৰ ক্ষেত্ৰত সমস্যাই দেখা দিব পাৰে । ইয়াৰ পাচতে পিছতেই ৰিংমিলা হোজাইয়ে নিৰাপত্তাহীনতাত ভুগি আৰক্ষীৰ কাষ চাপে ।
লগতে ৰিংমিলা হোজাইয়ে কয় যে,বিগত দুবছৰৰ পৰা লাংটিঙত তেওঁৰ সৈতে তিনিগৰাকী মহিলাক সমাজৰ পৰা বহিষ্কাৰ কৰা হৈছে ৷ সমগ্ৰ ঘটনাত গোলঞ্জ থাওচেন জড়িত হৈ আছে আৰু এতিয়া হাফলঙৰ ভাড়া ঘৰৰ পৰা তেওঁক এতিয়া উলিয়াই দিয়াৰ ভাবুকি প্ৰদান কৰিছে লোকজনে ৷
লগতে পঢ়ক: কাৰ্বি আংলং আৰক্ষীয়ে বিভিন্ন দিশত লাভ কৰা সফলতাসমূহ
