মৰাণ, 13 জুলাই : কেন্দ্ৰীয় আৰু ৰাজ্য চৰকাৰে ৰাজ্যত নিৰ্মাণ হৈ থকা চাৰিলেণ্ডযুক্ত (Four-Laning of NH-37)পথৰ কাম ক্ষীপ্ৰতাৰে শেষ কৰাৰ কথা কৈ থকাৰ সময়ত মৰাণত কিন্তু লেহেমীয়া গতিত চলিছে চাৰিলেণ্ড যুক্তপথৰ কাম । বহুবছৰৰ পৰা নিৰ্মাণৰ কাম চলি থকা চাৰিলেণ্ড যুক্ত পথৰ কামৰ বাবে মৰাণৰ ডিমৌৰ পৰা বৰবৰুৱালৈকে ৩৭ নং ৰাষ্ট্ৰীয় ঘাইপথ (37 No National Highway)ৰ অৱস্থা একেবাৰে জৰাজীৰ্ণ হৈ পৰিছে । ৰাষ্ট্ৰীয় ঘাইপথৰ মাজত দ গাত সৃষ্টি হোৱাত যাতায়াতৰ ক্ষেত্ৰত জলা-কলা খাব লগা হৈছে ৰাইজে । ইফালে ৰাষ্ট্ৰীয় ঘাইপথ (37 No National Highway)ৰ কাষতে চাৰিলেণ্ডযুক্ত পথ (Four-Laning of NH-37) নিৰ্মাণ কৰা কোম্পানীয়ে দ গাত খান্দি থোৱাত ভয়ানক বিপদ হোৱাৰ সম্ভাৱনাই দেখা দিছে ।
উল্লেখ্য যে, ঠিকা লাভ কৰা প্ৰতিষ্ঠানসমূহে নিজ ইচ্ছা অনুসৰি কাম কৰাৰ ফলতেই কাম লেহেমীয়া হোৱাৰ লগতে ৰাইজে জৰাজীৰ্ণ ৰাষ্ট্ৰীয় ঘাইপথে (37 No National Highway)ৰে যাতায়াত কৰিবলগা হৈছে । প্ৰাৰম্ভিক অৱস্থাত ডিমৌৰ পৰা বৰবৰুৱালৈকে এই পথচোৱাত 'আটলাণ্টা' নামৰ এক প্ৰতিষ্ঠানে কাম কৰিছিল ৷ কিন্তু কামৰ মানদণ্ড উন্নত নোহোৱাত ৰাষ্ট্ৰীয় ঘাইপথৰ প্ৰাধিকৰণে (National Highways Authority of India)উক্ত ঠিকা প্ৰতিষ্ঠানক কামৰ পৰা আঁতৰাই বৰ্তমান 'ব্ৰক্ষ ' নামৰ এক প্ৰতিষ্ঠানক কামৰ দায়িত্ব দিয়ে ৷
এই পথ নিৰ্মাণৰ কাম ক্ষীপ্ৰতাৰে শেষ কৰিবলৈ দাবী জনাইছে খোৱাং আঞ্চলিক আৰু ডিব্ৰুগড় জিলা ছাত্ৰ সন্থাই । ৰাইজৰ সমস্যালৈ গুৰুত্ব নিদি মইমতালিৰে ঠিকা প্ৰতিষ্ঠানে কাম কৰিবলৈ চেষ্টা কৰিলে অনাগত সময়ত তীব্ৰ প্ৰতিবাদ সাব্যস্ত কৰাৰ হুংকাৰ দিয়ে ছাত্ৰ সংগঠনটোৱে । উল্লেখ্য যে, চাৰিলেণ্ডযুক্ত ৰাষ্ট্ৰীয় ঘাইপথৰ নিৰ্মাণৰ কামত নিয়োজিত ঠিকা প্ৰতিষ্ঠানৰ মইমতালিৰ বাবে এতিয়া জনতাই হাৰাশাস্তিৰ সন্মুখীন হ’বলগীয়া হৈছে ৷
লগতে পঢ়ক : ভিডিঅ' ভাইৰেল কৰা যুৱকৰ বিৰুদ্ধে গোচৰ ৰুজু
