নাহৰকটীয়া, 11 মাৰ্চঃ এক কিলোগ্ৰাম চাহ পাতৰ দাম কিমান হ'ব পাৰে ? দহ হাজাৰ, 20 হাজাৰ বাৰ তাতকৈ বেছি 1 লাখ টকা ৷ কিন্তু এক কেজি কেঁচা চাহপাতৰ মূল্য কিমান হ'ব পাৰে ? আপুনি মই নভৱা এটা মূল্য ৷ এক কেজি কেঁচা চাহ পাতৰ মূল্য এক লাখ টকা হৈছেগৈ ৷ ডিব্ৰুগড় জিলাৰ জয়পুৰৰ ডালিম বৰাৰ চাহ বাগিছাত উৎপাদন হোৱা চাহৰ চৰা দামে বাতৰিৰ শিৰোণাম দখল কৰিছে ৷ আঠ বছৰ পূৰ্বে জৈৱিক কৃষি কৰ্মৰে চাহপাত উৎপাদন কৰা এই চাহ বাগিছা খনৰ চাহ পাত আজি সমগ্ৰ বিশ্বতে জিলিকি উঠিছে ৷ গ্ৰীণ টি,পাৰ্পল টি, অলং টিৰ ওপৰিও সম্প্ৰতি খেতিয়কজন ব্যস্ত বগা বৰণৰ চাহ অৰ্থাৎ White Tea উৎপাদন কৰাত ৷ কিন্তু হোৱাইট টি মানেনো কি ?
কিছুমান বিশেষ জাতৰ চাহপাতৰ গছৰ পৰা তৈয়াৰ কৰা হয় হোৱাই টি ৷ য'ত থাকে কেঞ্চাৰ ৰোগৰ সম্ভাৱনাক প্ৰতিহত কৰিব পৰাৰ দ্ৰব্য,কাৰ্ডিঅ ভাস্কুলাৰ ৰোগক বাধা দিব পৰাৰ ক্ষমতাৰ লগতে এণ্টি এজিং,এণ্টি অক্সিডেণ্ট,মুখ গহ্বৰৰ বীজাণুনাশকৰ ওপৰিও White Teaত পোৱা গৈছে মধুমেহ ৰোগ প্ৰতিৰোধৰ বিশেষ গুণাগুণ ৷ সেয়ে White Teaৰ আন্তৰাষ্টীয় বজাৰত আছে প্ৰচুৰ চাহিদা ৷ অতি উচ্চ মূল্য দি ক্ৰয় কৰে Switzerland, New zealand, Australia, Americaৰ দৰে দেশসমূহে ৷
প্ৰথমটো বৰ্ষত ডেৰ কিলো White Tea উৎপাদন কৰিবলৈ সক্ষম হোৱা প্ৰগতিশীল খেতিয়কজনে পৰবৰ্তী সময়ত White Teaৰ উৎপাদন তিনি গুণলৈ বৃদ্ধি কৰিবলৈ সক্ষম হৈছে ৷ ডালিম বৰাই অসমৰ বিভিন্ন প্ৰান্তৰ লগতে বহিঃ ৰাজ্যৰো বহুতকে জৈৱিক কৃষিৰে গুণমান সম্পন্ন চাহ উৎপাদন তথা গ্ৰীণ টি পাৰ্পল টি, অলং টি,White Tea উৎপাদনৰ প্ৰশিক্ষণ প্ৰদান কৰিছে ৷ নাহৰকটীয়াৰ জয়পুৰৰ ডালিম বৰাৰ এই প্ৰচেষ্টাই আশাৰ সঞ্চাৰ কৰিছে ৰাজ্য আন আন চাহ খেতিয়ক সকলৰ বাবে ৷
প্ৰতি কিলো White Teaৰ চৰা দামে আন্তৰাষ্ট্ৰীয় বজাৰ দখল কৰাৰ লগতে অৰ্থনৈতিকভাৱে সচ্ছল কৰিব পাৰিব চাহ খেতিয়কসকলক ৷ লগতে এখন উৎকৃষ্ট মানৰ চাহৰ বজাৰো দখল কৰাত সহায় কৰিব ৷
লগতে চাওকঃগছৰ পাতেৰে থাল-বাতি তৈয়াৰ কৰি স্বাৱলম্বী জোনাইৰ যুৱক
