মৰাণ, 30 জুলাই : মৰাণত পুনৰ ক'ভিডৰ আতংক (Covid cases increase at Moran) । এইবাৰ এখন বিদ্যালয়ত ক'ভিডৰ আক্ৰান্ত হৈছে 12 জনকৈ ছাত্ৰ-ছাত্ৰী । তথ্য অনুসৰি, ডিব্ৰুগড় জিলা মৰাণৰ নৱোদয় বিদ্যালয়ত ধৰা পৰিছে 12 জন ছাত্ৰ-ছাত্ৰীৰ দেহত ক'ভিডৰ উপস্থিতি (Many student tested corona positive at Novodaya Vidyalaya) ।
বিদ্যালয়খনৰ অধ্যক্ষগৰাকীয়ে উল্লেখ কৰা অনুসৰি, হঠাৎ বিদ্যালয়ৰ অধিকাংশ শিক্ষাৰ্থীৰ জ্বৰ, কাঁহ, মূৰৰ বিষ আদি লক্ষণে দেখা দিয়ে ৷ ফলত বিদ্যালয়ৰ কৰ্তৃপক্ষ কাষ চাপে চিকিৎসকৰ ৷ তাৰ পাচত খোৱাং খণ্ড প্ৰাথমিক স্বাস্থ্য কেন্দ্ৰৰ অধীনত থকা বিদ্যালয়খনত স্বাস্থ্য বিভাগৰ এটা দলে উপস্থিত হৈ শিক্ষাৰ্থীসলৰ স্বাস্থ্য পৰীক্ষা কৰা হয় ৷
শিক্ষাৰ্থীসকলৰ স্বাস্থ্য পৰীক্ষা কৰাৰ অন্তত বিদ্যালয়খনৰ 12গৰাকী শিক্ষাৰ্থীৰ দেহত ধৰা পৰে ক'ভিড পজিটিভ ।
অৱশ্যে বৰ্তমানলৈকে বিদ্যালয়খনৰ সকলো শিক্ষাৰ্থীৰে স্বাস্থ্য পৰীক্ষা কৰা হোৱা নাই । তথ্য অনুসৰি বৰ্তমানলৈকে মুঠ 74 গৰাকী শিক্ষাৰ্থীৰ ক’ভিড পৰীক্ষা সম্পন্ন হৈছে । ইয়াৰ ভিতৰত 12 জনৰ দেহত পোৱা গৈছে কৰ’ণা ভাইৰাছৰ উপস্থিতি । আনকি ক’ভিডত আক্ৰান্ত হোৱা শিক্ষাৰ্থীসকলক হোম আইছ’লেশ্যনত ৰখা হৈছে বুলি জানিব পৰা গৈছে ৷
লগতে স্বাস্থ্য বিভাগৰ তৰফৰ পৰাও বিদ্যালয়খন সম্পূৰ্ণৰূপে চেনিটাইজেশ্যন কৰা হৈছে । ইফালে এই বাতৰিয়ে স্বাভাৱিকতে শংকিত কৰি তুলিছে শিক্ষাৰ্থীসকলৰ লগতে অভিভাৱকসকলকো ৷
লগতে পঢ়ক : Covid 19 resurgence in Majuli : এমাহ বিৰতিৰ মূৰত মাজুলীত পুনৰ ক’ভিডৰ আতংক
