ডিব্ৰুগড়, 27 নৱেম্বৰ : এটা কৰুণ পথ দুৰ্ঘটনা, যাৰ পৰিণতিত একেখন গাঁৱত একেলগে নিশা জ্বলি উঠিল পাঁচখন চিতা। ডিব্ৰুগড়ৰ লেপেটকটাৰ ৩৭ নং ৰাষ্ট্ৰীয় ঘাইপথত সংঘটিত হৈছিল ৰাজ্য জোকাৰি যোৱা শোকাৱহ পথ দুৰ্ঘটনাটো। ঘটনাৰ পাছতেই মুখ্যমন্ত্ৰীৰ তৎক্ষাণিক প্ৰতিক্ৰিয়া আহিছিল আৰু ইয়াৰ পাছতেই তৎপৰতা দেখুৱাইছে ডিব্ৰুগড় জিলা প্ৰশাসনে ।
উক্ত সভাত বৃহস্পতিবাৰে পুৱাৰ ভাগত লেপেটকটাত আৰু দিনৰ ভাগত বকপাৰাত সংঘটিত পথ দুৰ্ঘটনাত একেটা দিনতে জিলাখনত মুঠ সাতজনকৈ লোকে প্ৰাণ হেৰুওৱাৰ দুখজনক দিশটোৰ প্ৰতি লক্ষ্য ৰাখি পথ নিৰ্মাণকাৰী সংস্থা, আৰক্ষীৰ যান বাহন নিয়ন্ত্ৰণ শাখা আৰু পৰিবহণ শাখাৰ সৈতে এনে দুৰ্ঘটনা ৰোধৰ বাবে ল'বলগীয়া ব্যৱস্থাৱলী সন্দৰ্ভত গুৰুত্বৰ আলোচনাত মিলিত হয় জিলা প্ৰশাসন ৷
সভাত নিৰ্দিষ্ট পাৰ্কিং আস্থানৰ বিপৰীতে ৰাষ্ট্ৰীয় ঘাইপথৰ ওপৰত গধুৰ যান বাহন ৰখাই থলে তেনে বাহনৰ ওপৰত যান বাহন আইন অনুসৰি জৰিমনা বিহাৰ দিশত ব্যৱস্থা গ্ৰহণৰ সিদ্ধান্ত লোৱা হয় ৷ সভাত বি চি পি এল কৰ্তৃপক্ষকো তেওঁলোকৰ প্ৰতিষ্ঠানলৈ দৈনিক অহা বাহনসমূহ প্ৰতিষ্ঠান চৌহদত ৰখাৰ ব্যৱস্থা কৰিবলৈ নিৰ্দেশ দিয়া হয় ।
