মৰাণ, ১৩ ছেপ্টেম্বৰঃ সোণোৱাল কছাৰী স্বায়ত্তশাসিত পৰিষদে সোণোৱাল কছাৰী জনগোষ্ঠীৰ লোকসকলক সৱলীকৰণৰ ক্ষেত্ৰত বিভিন্ন সময়ত ভিন্ন আঁচনিৰ যোগেদি সৱলীকৰণৰ বাবে পথ দেখুৱাইছে । ইয়াৰ সমান্তৰালভাৱে সোণোৱাল কছাৰী জনগোষ্ঠীৰ ছাত্ৰ- ছাত্ৰীৰ শৈক্ষিক উত্তৰণৰ ক্ষেত্ৰত বিশেষভাৱে গুৰুত্বপূৰ্ণ ভূমিকা পালন কৰি আহিছে সোণোৱাল কছাৰী স্বায়ত্ত শাসিত পৰিষদে। ইয়াৰ মাজতে ডিব্ৰুগড় জিলা পুথিভঁৰালত সোণোৱাল কছাৰী স্বায়ত্তশাসিত পৰিষদৰ উদ্যোগত মঙলবাৰে অনুষ্ঠিত হয় হেৰম্ব নাথ বড়া উচ্চ শিক্ষা প্ৰতিভা বঁটা প্ৰদান অনুষ্ঠান । এই অনুষ্ঠানটোত কেইবাগৰাকী বিশিষ্ট ব্য়ক্তি উপস্থিত থাকে ।
লগতে পঢ়ক:Obscene messages to Student: অংক নিশা ছাত্ৰীলৈ অশ্লীল মেছেজ দিয়াৰ অভিযোগ ছাৰৰ বিৰুদ্ধে
সোণোৱাল কছাৰী স্বায়ত্তশাসিত পৰিষদে ২০২২ বৰ্ষত উচ্চ শিক্ষা গ্ৰহণ কৰি থকা ১৭৯ গৰাকী ছাত্র-ছাত্ৰীক বঁটা প্ৰদান কৰে । ইয়াৰে ১০ গৰাকী চিকিৎসা বিজ্ঞানৰ ছাত্র, ৪৮ গৰাকী আই আই টি, ৩ গৰাকী আই আই এম শিক্ষাৰ্থীসহ ১৭৯ৃগৰাকীক এই বঁটা আনুষ্ঠানিকভাৱে প্ৰদান কৰা হয় । উল্লেখযোগ্য যে প্ৰতি বছৰে সোণোৱাল কছাৰী স্বায়ত্তশাসিত পৰিষদে পৰিষদৰ অন্তৰ্গত মেধাৱী ছাত্ৰ-ছাত্ৰীক এই বঁটা প্ৰদান কৰি আহিছে ।
সোণোৱাল কছাৰী স্বায়ত্ত শাসিত পৰিষদৰ শিক্ষা বিভাগৰ সৌজন্যত অনুষ্ঠিত এই অনুষ্ঠানত ডিব্ৰুগড় বিশ্ববিদ্যালয়ৰ পঞ্জীয়ক ড৹ পৰমানন্দ সোণোৱাল, মাজুলী সাংস্কৃতিক বিশ্ববিদ্যালয়ৰ পঞ্জীয়ক ড৹ বিনোদ বড়া মুখ্য অতিথি হিচাপে উপস্থিত থাকে । এই অনুষ্ঠানটোত সোণোৱাল কছাৰী স্বায়ত্ত শাসিত পৰিষদৰ মুখ্য কাৰ্যবাহী সদস্য টংকেশ্বৰ সোণোৱালকে ধৰি ভালেকেইগৰাকী বিশিষ্ট ব্যক্তি উপস্থিত থাকে । বক্তাসকলে সোণোৱাল কছাৰী স্বায়ত্তশাসিত পৰিষদে গ্ৰহণ কৰা এনে ধৰণৰ অনুষ্ঠানৰ জৰিয়তে সকলোৱে উপকৃত হ'ব বুলি কয় ।
