টিংখাং, 14 মে': ৰাজ্যত এতিয়া ক'ভিডৰ ভয়ংকৰ সংক্ৰমণ ৷ সম্প্ৰতি ৰাজ্যৰ ন-ন অঞ্চলত ক'ভিড-19 মহামাৰীৰ সংক্ৰমণ হৈছে । সংক্ৰমণ ৰোধৰ উপায় হিচাপে বহু অঞ্চল কণ্টেইনমেণ্ট জ'ন হিচাপে ঘোষণা কৰিছে প্ৰশাসনে ৷ কিছুদিন পূৰ্বে ডিব্ৰুগড়ৰ টিংখাঙৰ লেঙেৰী ন-খাট গাঁৱত ক'ভিড চিনাক্ত হোৱাৰ পিছতে প্ৰশাসনে কণ্টেইনমেণ্ট জ'ন হিচাপে ঘোষণা কৰিছিল গাঁওখন ৷ শেহতীয়াকৈ ন-খাটত খাদ্য সামগ্ৰীৰ লগতে প্ৰয়োজনীয় সামগ্ৰী বিতৰণ কৰিছে আহোম জাতীয় গণমঞ্চ লেঙেৰী আঞ্চলিক সমিতি,লেঙেৰী আঞ্চলিক ছাত্ৰ সন্থা আৰু লেঙেৰী আঞ্চলিক কৃষক মুক্তি সংগ্ৰাম সমিতিয়ে ।
কণ্টেইনমেণ্ট জ'নলৈ পৰিণত হোৱা গাঁৱখনৰ লোকসকলৰ পৰা যাতে কাষৰীয়া গাঁৱসমূহলৈ মহামাৰীৰ সংক্ৰমণ ঘটিব নোৱাৰে সেইক্ষেত্ৰত বামুনবাৰী আৰক্ষী চকী লেঙেৰী,চাউদাং, চাংমাই, লাহোৱাল, উজনি নামদাং, গৰুহৰা, নলনী চমুৱা, ন-খাট আদি অঞ্চলৰ গাঁৱৰক্ষী বাহিনীয়ে বিশেষ গুৰুত্ব আৰোপ কৰিছে ৷
লগতে পঢ়কঃ কৰ'ণাৰ হটস্পতলৈ পৰিণত অভয়াপুৰী জিলা কাৰাগাৰ
