মৰাণ,20 মাৰ্চ: চৰাইদেউ জিলাৰ অন্তৰ্গত মাহমৰা সমষ্টিৰ দিৰৈ ৰাঙলী অঞ্চলৰ চকলীয়া গাঁৱৰ খেলপথাৰত শনিবাৰে কংগ্রেছৰ প্রক্ষেপিত প্রার্থী সূৰুজ দিহিঙীয়াৰ হৈ নিৰ্বাচনী প্ৰচাৰ চলাই প্ৰাক্তন মন্ত্রী ৰকিবুল হুছেইনে ৷ প্রাক্তন মন্ত্রী ৰকিবুল হুছেইনে নিৰ্বাচনী প্ৰচাৰ সভাত বিজেপি চৰকাৰ তথা মন্ত্ৰী ডঃ হিমন্ত বিশ্ব শৰ্মাক তীব্ৰ ভাষাৰে কটাক্ষ কৰে ৷
তেওঁ সভাত সাংবাদিকৰ আগত কেইবাটাও বিষয়ত গুৰুত্বপূৰ্ণ বক্তব্য প্ৰদান কৰে ৷ মন্ত্ৰী ডঃ হিমন্ত বিশ্ব শৰ্মাই কিহৰ ভয়ত বাটে-পথে খোজকঢ়াৰ লগতে নাচি ফুৰিব লগা হ’ল, কংগ্ৰেছৰ কিয় পাঁচটা গেৰাণ্টি দিব লগা হ'ল, কংগ্ৰেছৰ মহাজোঁটলৈ মুখ্যমন্ত্ৰী সৰ্বানন্দ সোণোৱালে কৰা মন্তব্যৰ প্ৰত্যুত্তৰৰ লগতে আঞ্চলিক দলে নিৰ্বাচনত কেনে প্ৰভাৱ পেলাব সেই সন্দৰ্ভতো মন্তব্য কৰে প্ৰাক্তন মন্ত্ৰীগৰাকীয়ে ৷ সভাত প্ৰাক্তন মন্ত্রী তথা সাংসদ পৱন সিং ঘাটোৱাৰো উপস্থিত থাকে ৷
লগতে পঢ়ক: অখিল গগৈৰ হৈ নিৰ্বাচনী প্ৰচাৰ ৰাষ্ট্ৰীয় কৃষক নেতা ৰমেশ শৰ্মাৰ
