মৰাণ,28 অক্টোবৰ : আজি ডিব্ৰুগড় জিলাৰ লাহোৱালৰ কৰম ভৱনত অনুষ্ঠিত হ'ব ভাৰতীয় জনতা যুৱ মৰ্চা ডিব্ৰুগড় জিলাৰ কাৰ্যনিৰ্বাহক সভা ৷ ইতিমধ্যে সভাৰ সকলো প্ৰস্তুতি সম্পন্ন কৰি তুলিছে উদ্যোক্তাসকলে ৷ সভাৰ প্ৰস্তুতি সন্দৰ্ভত বুজ লোৱাৰ লগতে দলীয় কৰ্মীসকলৰ কাম-কাজত কিছু সহায়ৰ হাত আগবঢ়াই ডিব্ৰুগড় জিলা বিজেপিৰ উপ-সভাপতি তথা ডিব্ৰুগড় জিলা উন্নয়ন প্ৰাধিকৰণৰ অধ্যক্ষ অসীম হাজৰিকাই ৷
সভাখনত ডিব্ৰুগড় জিলা যুৱ মৰ্চাৰ সভাপতি জোণ্টি গগৈ,অসম প্ৰদেশৰ ৰাজ্যিক চাহ মৰ্চাৰ উপ-সভাপতি সুশীল তাছাৰ লগতে বিভিন্ন পদত অধিষ্ঠিত জিলাখনৰ যুৱ মৰ্চা আৰু স্থানীয় লাহোৱাল মণ্ডলৰ সতীৰ্থ,কাৰ্যকৰ্তা সকলোৱে সভা প্ৰস্তুতিত সহযোগিতা আগবঢ়োৱা পৰিলক্ষিত হয় ৷
আজিৰ এই কাৰ্যনিৰ্বাহক সভাত জিলাৰ লগতে ৰাজ্যিক পৰ্যায়ৰ শীৰ্ষ বিজেপি নেতায়ো অংশগ্ৰহণ কৰিব বুলি জানিবলৈ দিয়ে জিলাখনৰ ভাৰতীয় জনতা যুৱ মৰ্চাৰ বিষয়ববীয়াসকলে ৷
উল্লেখ্য যে,21ৰ বিধানসভা নিৰ্বাচন চমু চাপি অহাৰ লগে লগে ৰাজ্যিক বিজেপিয়ে অসমৰ বিভিন্ন ঠাইত এখনৰ পাচত আনখন সভা অনুষ্ঠিত কৰি দলীয় স্থিতি অধিক শক্তিশালী কৰাৰ চেষ্টাঅব্যাহত ৰাখিছে ৷
লগতে পঢ়ক : মাডাৰ বৃদ্ধাৱাসত কণ্ঠশিল্পী কল্পনা পাটোৱাৰীৰ জন্মদিন উদযাপন
