সংগীত শিল্পীৰ ব্যতিক্ৰমী পদক্ষেপ

বন্যাৰ্ত সকলৰ বাবে বিশেষ পদক্ষেপ শিল্পী বাহিনীৰ । ডিব্ৰুগড় চহৰৰ চাৰিআলিৰ পৰা এই সুৰ বাহিনীটোৱে গীত পৰিৱেশন কৰি বানাক্ৰান্ত ৰাইজৰ বাবে বানসাহায্য সংগ্ৰহ কৰিছে ।

ডিব্ৰুগড়, ২৬ জুলাইঃ ডিব্ৰুগড়ত এদল শিল্পী । শিল্পী দলৰ নাম সুৰ বাহিনী । বন্যাৰ্তলোকৰ বাবে বিশেষ পদক্ষেপ শিল্পী বাহিনীৰ । সুৰ বাহিনী নামৰ এই দলটোৱে উজনিৰ প্ৰাণকেন্দ্ৰ ডিব্ৰুগড়ৰ পৰাই আৰম্ভ কৰে ব্যতিক্ৰমী কাৰ্যসূচী ।

ডিব্ৰুগড় চহৰৰ চাৰিআলিৰ পৰা এই সুৰ বাহিনীটোৱে গীত পৰিৱেশন কৰি বানাক্ৰান্ত ৰাইজৰ বাবে সাহায্য সংগ্ৰহ কৰিছে । সুৰৰ লহৰত মুগ্ধজনে বানাক্ৰান্তলৈ আগবঢ়াই গ'ল বিভিন্ন দান বৰঙণি ।

24 জুলাইৰ পৰা 26জুলাই লৈকে গ্ৰহণ কৰা এই কাৰ্যসূচী ডিব্ৰুগড়, তিনিচুকীয়া চহৰৰ বিভিন্ন প্ৰান্তত গ্ৰহণ কৰিছে সুৰ বাহিনীটোৱে । এই কাৰ্যসূচীত কেইবাজনো জনপ্ৰিয় কন্ঠশিল্পীয়ে আগবঢ়াইছে সহযোগিতা ।