ডিব্ৰুগড়, 4 ডিচেম্বৰ: অসমৰ চুকে কোণে অব্যাহত আছে কেব বিৰোধী প্ৰতিবাদ ৷ এইবাৰ ডিব্ৰুগড়ত মুখ্যমন্ত্ৰীৰ ঘৰৰ সমীপতে মাজনিশা মহিলাৰ পোছাক পিন্ধাই,মুখ্যমন্ত্ৰী সৰ্বানন্দ সোণোৱাল,মন্ত্ৰী হিমন্ত বিশ্ব শৰ্মা,কেশৱ মহন্ত,অতুল বৰা,ফণীভুষণ চৌধুৰী আৰু বিধায়ক প্ৰশান্ত ফুকনৰ প্ৰতিকৃতি দাহ কৰাৰ লগতে ওলমালে ফাঁচীত ৷
মাজনিশা বিধায়ক প্ৰশান্ত ফুকনৰ বাসগৃহ ঘেৰাও কৰে প্ৰতিবাদকাৰী দলটোৱে ৷ নিশা দুই বজাৰ পৰা কেব বিৰোধী শ্ল'গানেৰে ডিব্ৰুগড় চহৰৰ মাজমজিয়াৰ চৌকিডিঙিত উত্তাল পৰিৱেশৰ সৃষ্টি কৰে ডিব্ৰুগড় জিলা ছাত্ৰ সন্থাসহ ডিব্ৰুগড় বিশ্ববিদ্যালয়ৰ একাংশ ছাত্ৰই ৷
কেন্দ্ৰীয় গৃহমন্ত্ৰীৰ সৈতে যোৱা নিশা আছুৰ বৈঠক একপ্ৰকাৰে বিফল হোৱাৰ পিচতে মাজনিশাৰ পৰাই কেবৰ বিৰুদ্ধে আৰু অধিক উত্তাল হৈ পৰিছে আছু ৷ নাগৰিকত্ব সংশোধনী বিধেয়ক গৃহীত হোৱাৰ আশংকাত ক্ষোভত জ্বলি উঠিছে আছুকে ধৰি বিভিন্ন জাতি জনগোষ্ঠীয় দল সংগঠনসমূহ ৷
লগতে পঢ়ক: "কেব আমি মানি নলওঁ"- দিল্লীত গৃহমন্ত্ৰীক হুংকাৰ আছু সহ 9 জাতীয় সংগঠনৰ
