শোকাৱহ পথ দুৰ্ঘটনাত নিহত পতি-পত্নী

ধুবুৰী জিলাৰ পানবাৰীত সোমবাৰে এক ভয়ংকৰ পথ দুৰ্ঘটনা সংঘটিত হয় ৷ বাইকেৰে আহি থকা অৱস্থাত দুৰ্ঘটনাত পতিত হৈ মৃত্যু হয় স্বামী ৰঞ্জিত কৰ্মকাৰ আৰু পত্নী বৰ্ণালী কৰ্মকাৰৰ ৷ আনহাতে সংকটজনক অৱস্থাত মৃত্যুৰ লৈতে যুঁজি আছে পুত্ৰ ৰঞ্জয় কৰ্মকাৰ ৷

ধুবুৰী, 11 মে' : লক্ ডাউনৰ মাজতে ধুবুৰী জিলাৰ পানবাৰীত সোমবাৰে ভয়ংকৰ পথ দুৰ্ঘটনা সংঘটিত হয় ৷ ধুবুৰী জিলাৰ পানবাৰী আৰ্মী কেম্পৰ ওচৰত সংঘটিত হয় এই দুৰ্ঘটনাটো ৷

AS 17 G 2777 নম্বৰৰ এখন বাইকেৰে গোলকগঞ্জৰ ৰঞ্জিত কৰ্মকাৰে নিজৰ পত্নী বৰ্ণালী কৰ্মকাৰ আৰু চাৰি বছৰীয়া পুত্ৰ সন্তানৰ সৈতে গোলকগঞ্জ অভিমুখে গৈ থকাৰ সময়ত নিয়ন্ত্ৰণ হেৰুৱাই পানবাৰীত দুৰ্ঘটনাত পতিত হয় । দুৰ্ঘটনাত লগে লগে নিহত হয় ৰঞ্জীত কৰ্মকাৰৰ পত্নী বৰ্ণালী কৰ্মকাৰৰ ৷ আনহাতে, গুৰুতৰভাবে আহত হোৱা ৰঞ্জিত কৰ্মকাৰে চিকিৎসালয় পোৱাৰ পাছত কৰুণভাবে মৃত্যুক সাৱটি লয় ৷ কিন্তু বৰ্তমানেও সংকটজনক অৱস্থাত মৃত্যুৰ সৈতে যুজি আছে চাৰি বছৰীয়া পুত্ৰ ৰঞ্জয় কৰ্মকাৰ ৷

নিহত পতি-পত্নীৰ মৃতদেহ ঘৰলৈ অনাৰ পিছতেই সমগ্ৰ অঞ্চলটোত এক শোকাকুল পৰিৱেশৰ সৃষ্টি হয় ৷

লগতে পঢ়ক : ঢকুৱাখনাত অনুষ্টুপীয়াকৈ ফাট বিহু উদযাপন