ধুবুৰী,7চেপ্তেম্বৰ: ভাৰত চৰকাৰৰ বিজ্ঞান আৰু প্ৰযুক্তিবিদ্যা দপ্তৰৰ অধীনত হেচেল্ফি ফাউণ্ডেচনৰ সহযোগিতাত আজি ধুবুৰী জিলা উপায়ুক্তৰ কাৰ্যালয়ৰ সভাকক্ষত এখন গুৰুত্বপূৰ্ণ সভা অনুষ্ঠিত হয় ৷ সভাত উপস্থিত থাকে ধুবুৰী জিলাৰ মুঠ এশ খন বিদ্যালয়ৰ শিক্ষক শিক্ষয়িত্ৰী ৷ উক্ত সভাত প্ৰতিখন বিদ্যালয়লৈ এটাকৈ টেবলেট বিতৰণ কৰা হয় ৷ উক্ত সভাখনত টেবলেটটোৰ বিশেষত্ব সম্পৰ্কে বিতংকৈ বুজাই দিয়ে হেচেল্ফি ফাউণ্ডেচনৰ লগতে আই চি পি এছৰ দায়িত্বত থকা বিষয়া সকলে ৷ উল্লেখযোগ্য যে, ২০৩০ চনক লক্ষ্য কৰি লৈ ৰাজ্যৰ নৱ প্ৰজন্ম শিক্ষাৰ্থী সকলক বিজ্ঞান আৰু প্ৰযুক্তিবিদ্যাৰ প্ৰতি আগ্ৰহী কৰাৰ উদ্দেশ্যেই এই টেবলেট বিতৰণ পদক্ষেপ হাতত লৈছে হেচেল্ফি ফাউণ্ডেচনে ৷
লগতে ইয়াৰ জৰিয়তে দেশৰ অন্য প্ৰান্তৰ শিক্ষাৰ্থী সকলৰ সৈতে সমানে মোকাবিলা কৰিবলৈ আৰু শিক্ষাৰ্থীসকলক এইক্ষেত্ৰত আগুৱাই নিয়াৰ প্ৰচেষ্টা হাতত লোৱা হৈছে ৷
