বিলাসীপাৰা ৪৮৮ নং ভোট কেন্দ্ৰত অসুস্থ পলিং বিষয়া

পৰবৰ্তী সময়ত আন এগৰাকী পলিং বিষয়া নিয়োগ কৰি উক্ত ভোট গ্ৰহণ কেন্দ্ৰটোত পুনৰ আৰম্ভ ভোটগ্ৰহণ ।

ধুবুৰী, ২৩ এপ্ৰিলঃ ধুবুৰী বিলাসীপাৰাৰ ৪৮৮ নং কলিয়াৰখাল প্ৰাথমিক বিদ্যালয় ভোট কেন্দ্ৰত অসুস্থ পলিং বিষয়া । পলিং বিষয়া গৰাকী বিলাসীপাৰাৰ পুৰণি বজাৰৰ আব্দুছ ছাহেদ শ্বেখ বুলি জানিব পৰা গৈছে |

পলিং বিষয়া গৰাকী ভোটকেন্দ্ৰটোত ভোট গ্ৰহণ প্ৰক্ৰিয়া চলি থকাৰ মাজতে হঠাত অসুস্থ হৈ পৰে । লগে লগে বিষয়া গৰাকীক বিলাসীপাৰা চিকিৎসালয়ত ভৰ্তি কৰা হয় | উল্লেখ্য যে, উক্ত ভোট কেন্দ্ৰটোত ৰাতি পুৱা প্ৰায় দুই ঘন্টা সময় EVM বিকল হোৱাৰ বাবে পলমকৈ ভোট গ্ৰহণ আৰম্ভ হয় | যদিও পৰবৰ্তী সময়ত আন এগৰাকী পলিং বিষয়া নিয়োগ কৰি ভোটগ্ৰহণ প্ৰক্ৰিয়া অব্যাহত ৰখা হয় ৷