ধুবুৰী,18 জুনঃ ধুবুৰীত ড্ৰাগছ জাতীয় বিভিন্ন ঔষধ আৰু অবৈধ তীৰ, এণ্ডিং আৰু ক্ৰিকেট বুকিৰ বিৰুদ্ধে ধুবুৰী আৰক্ষীয়ে আৰম্ভ কৰিছে অভিযান ৷ জিলা উপ-আৰক্ষী অধীক্ষকে জনোৱা মতে, যোৱা চৌব্বিশ ঘণ্টাত ইতিমধ্যে জিলা খনৰ ভিন্ন প্ৰান্তৰ পৰা বৃহৎ পৰিমাণৰ ড্ৰাগছ জাতীয় দ্ৰব্য আৰু ঔষধ সহ মজিদুল আহমেদ, মহিবুল ইছলাম আৰু হবিবুল ৰহমানকে ধৰি তিনিজনকৈ ড্ৰাগছ জাতীয় ঔষধ সৰবৰাহকাৰীক গ্ৰেপ্তাৰ কৰিবলৈ সক্ষম হোৱাৰ বিপৰীতে বাকী সকলৰ বিৰুদ্ধে অভিযান অব্যাহত ৰাখিছে ধুবুৰী আৰক্ষীয়ে ৷
বিশ্বকাপ ক্ৰিকেটৰ বুকিৰ বিৰুদ্ধে ধুবুৰীত আৰক্ষীৰ অভিযান
আনহাতে,দেওবাৰে বিশ্বকাপত ভাৰত-পাকিস্তানৰ মাজত অনুষ্ঠিত হোৱা হাই ভল্টেজ খেলখন চলি থকাৰ সময়তে ধুবুৰীৰ একাংশ বুকিয়ে চলাইছিল বৃহৎ জুৱাৰ খেল । এনে এক তথ্যৰ ভিত্তিতে আৰক্ষীয়ে অভিযান চলাই ৰাজেশ সাহ নামৰ এজন বুকিক গ্ৰেপ্তাৰ কৰিবলৈ সক্ষম হৈছিল ।
