গোলকগঞ্জত আৰক্ষীৰ বৃহৎ সাফল্য

সোমবাৰে পুৱতি নিশা 7/8 জনীয়া ডকাইতৰ এটি দলে এগৰাকী টেম্প’ আৰোহীৰ পৰা বাট আগচি ধৰি সাত লাখ টকাৰ সামগ্ৰী লুটি লৈ যায় ৷ আগমণি আৰক্ষীয়ে ঘটনা সন্দৰ্ভত সোমবাৰে নিশা প্ৰথমে টেম্প’খনৰ চালক ৰহীদুল হকক আটক কৰে ৷ তেওঁৰ স্বীকাৰোক্তিৰ ভিত্তিতে নিশা আৰক্ষীয়ে ঘটনাৰ লগত জড়িত আন পাঁচজন ডকাইতক কৰায়ত্ব কৰে ৷

গোলকগঞ্জ,7 জানুাৱৰীঃ গোলকগঞ্জত আগমণি আৰক্ষীৰ বৃহৎ সাফল্য ৷ ডকাইতি কাণ্ড সংঘটিত কৰাৰ 24 ঘন্টাৰ ভিতৰত আটক অপৰাধী ৷ উল্লেখ্য যে,সোমবাৰে পুৱতি নিশা 7/8 জনীয়া ডকাইতৰ এটা দলে এগৰাকী টেম্প’ আৰোহীক বাট আগচি ধৰি সাত লাখ টকাৰ সামগ্ৰী লুটি লৈ যায় ৷ আগমণি আৰক্ষীয়ে ঘটনা সন্দৰ্ভত সোমবাৰে নিশা প্ৰথমে টেম্প’খনৰ চালক ৰহীদুল হকক আটক কৰে ৷ তেওঁৰ স্বীকাৰোক্তিৰ ভিত্তিতে নিশা আৰক্ষীয়ে ঘটনাৰ লগত জড়িত আন পাঁচজন ডকাইতক কৰায়ত্ব কৰে ৷ ডকাইত কেইজন ক্ৰমে লোহাজান গাঁৱৰ আনোৱাৰ শ্বেখ,আনোৱাৰ হুছেইন,হজৰত আলী,পশ্চিম বংগৰ জাগীৰ চিলাখানা গাঁৱৰ বানেশ্বৰ সৰকাৰ আৰু সাহজুল আলী ৷

ধৃত ডকাইতকেইজনৰ পৰা আৰক্ষীয়ে ইতিমধ্যে ব্যৱসায়ীৰ পৰা লোৱা 53 হাজাৰ টকা,দুটা ম’বাইল,কাপোৰ আৰু ডাকাইতি কামত ব্যৱহৃত দা আৰু ডেগাৰ জব্দ কৰে ৷

লগতে পঢ়ক-ঝাড়খণ্ডৰ লতিহাৰ জিলাত আটক 7 মাওবাদী