পশ্চিম বিলাসীপাৰা,13 মে': ইছলাম ধৰ্মাৱলম্বী লোকসকলৰ কাইলৈ পবিত্ৰ ঈদ-উল-ফিতৰ । ত্যাগ, সংযমেৰে এমাহ উপবাস তথা ৰমজানৰ ৰোজাৰ অন্তত প্ৰশাসনে জাৰি কৰা নীতি-নিৰ্দেশনাৰ প্ৰতি সঁহাৰি জনাই সমূহীয়াকৈ উদযাপিত নহয় ঈদ-উল-ফিতৰ । ৰাজ্যত মহামাৰী কৰ’ণাৰ দ্বিতীয়টো ঢৌৱে ভয়াৱহ ত্ৰাসৰ সৃষ্টি কৰাৰ বাবে এইবেলিও সমূহীয়াকৈ আদায় কৰা নহয় ঈদৰ নামাজ । প্ৰশাসনে জাৰি কৰা নিৰ্দেশনা মানি ঘৰতেই ঈদৰ নামাজ আদায় কৰিব ইছলামধৰ্মী লোকসকলে ।
ধুবুৰীৰ বিলাসীপাৰাৰ বিভিন্ন অঞ্চলৰ ঈদগাহ ময়দানত দেখা নাযাব পবিত্ৰ ঈদ-উল-ফিতৰৰ সমূহীয়া নামাজ ৷ এই পবিত্ৰ ঈদে যেন কৰ’ণা আৰু সমাজৰ অসূয়া-অশান্তি নাশ কৰি শান্তি, একতা আৰু ভাতৃত্ববোধৰ এনাজৰী স্থাপন কৰে, সেই কামনাৰে বিলাসীপাৰাৰ টিলাপাৰা ঈদগাহ পৰিচালনা সমিতিয়ে সকলো ইছলামধৰ্মী লোকৰ ওচৰত দোৱাৰ আহ্বান জনাইছে ।
লগতে পঢ়ক : মৰিয়নীৰ চাৰিটা পৰিয়ালক কনটেইনমেণ্ট হোম হিচাপে ঘোষণা
