ধুবুৰী, 23 অক্টোবৰ : আজি সপ্তমী ৷ দেৱী বন্দনাৰে মুখৰিত হৈ পৰিল ধুবুৰীৰ পূজা মণ্ডপসমূহ ৷ পুৱাৰে পৰা হিন্দু ধৰ্মীয় পৰম্পৰা আৰু নীতি নিয়ম অনুসৰি চলিছে পূজা পাৰ্বন।
ধুবুৰীৰ আৰক্ষী চাউনি খেল পথাৰৰ পূজা মণ্ডপ বন্দনা আৰু ঢাকৰ শব্দৰে মুখৰিত হৈ পৰিছে ৷ পূৰ্বে শ শ ভক্তই দেৱী দুৰ্গাক দৰ্শন কৰিবলৈ আহে যদিও এইবাৰ সম্পূৰ্ণ বিপৰীত পূজামণ্ডপৰ দৃশ্য ৷
আশীৰ্বাদ লোৱাৰ সেই পূৰ্বৰ দৃশ্য আৰু নাই আজিৰ পূজা মণ্ডপত ৷ মহামাৰী কৰ'ণাতংকৰ বাবে প্ৰশাসনে বান্ধি দিয়া নীতি নিৰ্দেশনা অনুযায়ী প্ৰতিটো পূজা কমিটিয়ে পূজা পাৰ্বন অনুষ্ঠিত কৰি গৈছে ৷ মুখত মাস্ক আৰু সামাজিক দূৰত্ব মানি কৰা হৈছে পূজা ৷
উল্লেখযোগ্য যে,কৰণাতংকৰ বাবেই ভক্তসকলৰ উপস্থিতি একপ্ৰকাৰ শূন্য হৈ থকা পৰিলক্ষিত হয় প্ৰায়বোৰ পূজা মণ্ডপত ৷ ভক্তৰ সমাগম নোহোৱা বাবে দুখ প্ৰকাশ কৰিছে পূজা মণ্ডপৰ পূজাৰীয়ে ৷
লগতে পঢ়ক : অনুষ্টুপীয়া কাৰ্যসূচীৰে দৰঙত দুৰ্গা পূজা পালন
