ধুবুৰী, 8 জানুৱাৰীঃ স্বচ্ছ ভাৰত (নগৰাঞ্চল)ৰ অধীনত ধুবুৰী পৌৰসভাই আৰম্ভ কৰিছে জাৱৰ নিষ্কাশনৰ কাম ৷ বুধবাৰৰ পৰা পৌৰসভাই শুভাৰম্ভণি কৰে ঘৰে ঘৰে গৈ জাৱৰ সংগ্ৰহৰ কাম ৷
যাৰ বাবে পৌৰসভাই 16টাকৈ ৱাৰ্ডৰ বাবে বিতৰণ কৰে 8 হাজাৰ ডাষ্টবিন,32খন ট্ৰাই-চাইকেল আৰু দুখনকৈ ডাম্পাৰ ৷ ধুবুৰী জিলা পুথিভঁৰাল প্ৰেক্ষাগৃহত আয়োজিত অনুষ্ঠানত জিলা উপায়ুক্ত অনন্তলাল জ্ঞানীয়ে এই আঁচনি শুভাৰম্ভনি কৰে ৷ এই অনুষ্ঠানত উপস্থিত থাকে পৌৰসভাৰ সভানেত্ৰী পুষ্প মালোৰ লগতে পৌৰসভাৰ কৰ্মকৰ্তা আৰু স্থানীয় ৰাইজ তথা অন্যান্যসকল ৷
অনুষ্ঠানত উপস্থিত থকা ধুবুৰী জিলা বিজেপিৰ সভাপতি ডাঃ দেৱময় সান্যালে ৰাইজক স্বচ্ছতাৰ পথ অৱলম্বন কৰিবলৈ আহ্বান জনায় ৷ উল্লেখ্য যে,জাৱৰ সংগ্ৰহৰ বাবে পৌৰসভাই প্ৰতিখন ঘৰৰ পৰা এক টকা,দোকানৰ পৰা দুই টকা আৰু ৰেষ্টুৰেন্টৰ পৰা দহ টকাকৈ প্ৰতিদিনে সংগ্ৰহ কৰিব ৷
লগতে পঢ়কঃ প্লাষ্টিকৰ বিৰুদ্ধে শ্ৰদ্ধা চাহুৰ নীৰৱ যুঁজ
