ধুবুৰী, 1 জুলাই : ১৯৮৩ চনত অবিভক্ত গোৱালপাৰা জিলাৰ পৰা পৃথক হৈ গঠিত হৈছিল ধুবুৰী জিলা । চল্লিশ বছৰ পূৰ্বে প্ৰতিষ্ঠা লাভ কৰা ধুবুৰী জিলাখনত দুবছৰৰ পৰা পালন কৰি অহা হৈছে জিলা দিৱস । ৰাজ্য চৰকাৰে ঘোষণা কৰাৰ পিচতেই প্ৰতি বছৰৰ এক জুলাই তাৰিখটো জিলা দিৱস হিচাপে পালন কৰি অহা হৈছে । সেইমতে এক জুলাইৰ দিনা ধুবুৰী জিলা দিৱস পালন কৰে ধুবুৰী জিলা প্ৰশাসনে ৷
পুৱাৰে পৰা দিনজোৰা কাৰ্যসূচীৰ লগতে ধুবুৰী জিলা প্ৰশাসনৰ উদ্যোগত ধুবুৰী জিলা পুথিভঁৰাল প্ৰেক্ষাগৃহত অনুষ্ঠিত হয় এক গুৰুত্বপূৰ্ণ কাৰ্যসূচী । অনুষ্ঠানত মন্ত্ৰী জয়ন্ত মল্ল বৰুৱা উপস্থিত থাকি জিলা দিৱসৰ লগত সংগতি ৰাখি জিলাখনৰ সামগ্ৰিক উন্নয়ন আৰু পৰ্যটনৰ ক্ষেত্ৰত জিলাখনক এক স্থান দিয়াৰ লক্ষ্যৰে গুৰুত্বপূৰ্ণ ভাষণ প্ৰদান কৰে । লগতে জিলাখনৰ সামগ্ৰিক উন্নয়ন আৰু পৰ্যটকৰ বাবে আকৰ্ষিত কৰি তুলিবলৈ সকলো ৰাইজকে আগবাঢ়ি আহিবলৈ আহ্বান জনায় জিলাখনৰ অভিভাৱক মন্ত্ৰী জয়ন্ত মল্ল বৰুৱাই ।
