আগমনি,১৬জুলাই : আগমনি থানাৰ ঝাপুচাবাৰীত অঘটন । বাঢ়নী পানীত উটি গ'ল এঘাৰ বছৰীয়া এটি শিশু ।
উল্লেখ্য যে, সোমবাৰে ঝাপুচাবাৰী পঞ্চম খণ্ড গাঁৱৰ জহিৰুল হকৰ এঘাৰ বছৰীয়া পুত্ৰ মেৰাজুল হকে গা ধুবলৈ গৈছিল ৰায়ডাক নৈত । গা ধুৱাৰ পূৰ্বে কালভাৰ্টত খেলি থকাৰ সময়তে শিশুটি পৰি যায় পানীত । ইফালে, এই ঘটনাৰ পাছতে শিশুটি বাঢ়নী পানীৰ কোবাল সোঁতত উটি যোৱা প্ৰত্যক্ষ কৰি স্থানীয় ৰাইজক খবৰ দিয়ে । স্থানীয় ৰাইজে উদ্ধাৰ অভিযান চলোৱাৰ লগতে আগমনি আৰক্ষী আৰু এচডিআৰএফ বাহিনীক খবৰ দিয়ে | স্থানীয় ৰাইজ উদ্ধাৰ কৰিবলৈ বিফল হোৱাৰ বিপৰীতে আৰক্ষী আৰু এছডিআৰএফ বাহিনীও আহি উপস্থিত হয় । বৰ্তমানেও উদ্ধাৰ অভিযান অব্যাহত আছে যদিও শিশুটিৰ কোনো সন্ধান উলিয়াব পৰা নাই আৰক্ষী আৰু এছডিআৰএফ বাহিনীয়ে ।
আগমনিত নৈত উটি গ'ল শিশু
