বিলাসীপাৰা,19 জানুৱাৰীঃ সোমবাৰে বিলাসীপাৰাত বিয়লি উপস্থিত হয় অসম চৰকাৰৰ নগৰ উন্নয়ন মন্ত্ৰী পীয়ুষ হাজৰিকা ৷ বিলাসীপাৰাত কেইবাখনো অভিলাষী আঁচনিৰ শুভ উদ্বোধন কৰি মন্ত্ৰী গৰাকীয়ে অংশ গ্ৰহণ কৰে এখন ৰাজহুৱা সভাত ৷ সভাত AIUDF প্ৰধান তথা ধুবুৰীৰ সাংসদ বদৰুদ্দিন আজমলৰ বিৰুদ্ধে বিস্ফোৰক মন্তব্য আগবঢ়ায় মন্ত্ৰী পীয়ুষ হাজৰিকাই কয় যে,বসন্ত ঋতুত কুলি চৰাইৰ আগমন হোৱাৰ দৰে নিৰ্বাচন আহিলে তেওঁ ভোটাৰৰ কাষ চাপে ৷ ইপিনে বিভিন্ন ছলনাৰে ভোট আদায় কৰি মুম্বাই নতুবা আৰব দেশত গৈ নিজৰ ব্যৱসায় চলায় আজমলে ৷
একেদৰে নতুন কৈ গঠন হোৱা ৰাজনৈতিক দল কেইটাক সমালোচনা কৰি মন্ত্ৰী পিযুষ হাজৰিকাই কয়, নতুন আঞ্চলিক দল দুটা AJP আৰু ৰাইজৰ দলে এ আই ইউ ডিএ ফৰ মিত্ৰতা লৈ খিচিৰি দল আখ্যা দিয়ে মন্ত্ৰীগৰকীয়ে ৷ উল্লেখযোগ্য যে,বিলাসীপাৰাত কেইবাটাও উন্নয়নমূলক আঁচনিৰ শুভ উদ্বোধন কৰাৰ লগতে ৪০ লাখ লোকক উপকৃত হ’ব পৰাকৈ UWS আৰু SB অধীনত বিশুদ্ধ খোৱা পানীৰ যোগান আঁচনিৰ শুভ উদ্বোধন কৰে মন্ত্ৰী গৰাকীয়ে ৷ উক্ত সভাত মন্ত্ৰী গৰাকীৰ লগতে সভাত উপস্থিত থাকে বিধায়ক ডাঃ নোমল মমিন,বিলাসীপাৰাৰ বিধায়ক অশোক কুমাৰ সিংহীকে ধৰি অসম চৰকাৰৰ কেইবাগৰাকী উচ্চ পৰ্যায়ৰ বিষয়া ক্ৰমে শুভাশীষ দাস, নীৰেন বৈশ্য উপস্থিত থাকে ৷
লগতে পঢ়কঃ জম্মুত বৃহৎ পৰিমাণৰ মাৰণাস্ত্ৰসহ দুই সন্ত্ৰাসবাদী আৰক্ষীৰ জালত
