ধুবুৰী, 23 মে' : তৃতীয়বাৰৰ বাবে ধুবুৰীত বিজয়ৰ হাঁহি মাৰিলে এ আই ইউ ডি এফ প্ৰধান বদৰুদ্দিন আজমলে । কংগ্ৰেছৰ প্ৰাৰ্থী আবু তাহেৰ বেপাৰীক হৰুৱাই ৭,১৪,২৪৭ টা ভোটৰ ব্যৱধানত জয়লাভ কৰে বদৰুদ্দিন আজমলে । অৱশ্যে ধুবুৰীৰ বিলাসীপাৰা আৰু দক্ষিণ শালমাৰাত বৰ্তমানেও অব্যাহত আছে ভিভিপেডৰ ভোট গণনা । তৃতীয়বাৰৰ বাবে ধুবুৰীৰ পৰা সাংসদ নিৰ্বাচিত হোৱাৰ পাচতে ধুবুৰী লোকসভাৰ উন্নয়নৰ ক্ষেত্ৰত পূৰ্বতকৈও অধিক গুৰুত্ব দিয়াৰ লগতে সংবাদ মাধ্যম পৰা আদি কৰি ধুবুৰীৰ বুদ্ধিজীৱী, সাধাৰণ ৰাইজৰ সৈতে আলোচনা কৰিয়েই ধুবুৰীৰ উন্নয়নৰ কাম আৰম্ভ কৰাৰ কথা উল্লেখ কৰে আজমলে ।
বিজয়ৰ পাচতেই প্ৰতিক্ৰিয়া আজমলৰ প্ৰকাশ
ইপিনে প্ৰতিদ্বন্দী কংগ্ৰেছ প্ৰাৰ্থী আবু তাহেৰ বেপাৰীক ধন্যবাদ দিয়াৰ বিপৰীতে দেশৰ সাধাৰণ নিৰ্বাচনত কংগ্ৰেছৰ দুখজনক ফলাফলত দুখ প্ৰকাশ কৰি আজমলে ইভিএম প্ৰসংগ লৈ বিজেপিক পৰোক্ষভাৱে সমালোচনা কৰে ।
