অবৈধ চুলাই ঘাটিৰ বিৰুদ্ধে ধুবুৰী আৰক্ষীৰ তীব্ৰ অভিযান

গোলকগঞ্জৰ কৈমাৰীত ধুবুৰী আৰক্ষীৰ অভিযান । বহুকেইটা চুলাই মদৰ ঘাটি উৎখাত আৰক্ষীৰ ৷

ধুবুৰী, 5 ছেপ্তেম্বৰঃ বৃহস্পতিবাৰে দীৰ্ঘদিন ধৰি অসম-বংগ সীমান্তৰ কৈমাৰীত চলি থকা কেবাটাও অবৈধ চুলাইৰ ঘাটিল উচ্ছেদ কৰে ধুবুৰী আৰক্ষীয়ে ৷ ধুবুৰীৰ উপ আৰক্ষী অধীক্ষক ত্ৰিনয়ন ভূঁঞাৰ নেতৃত্বত দুপৰীয়া কৈমাৰীৰ অবৈধ চুলাইৰ ঘাটিকেইটা উচ্ছেদ কৰে ধুবুৰী আৰক্ষীয়ে । আৰক্ষীয়ে অভিযানত বুজন পৰিমাণৰ চুলাই মদ ধ্বংস কৰাৰ লগতে জব্দ কৰে চুলাই তৈয়াৰ কৰা সামগ্ৰী ৷ উপ-আৰক্ষী অধীক্ষক গৰাকীয়ে আগন্তক দিনত অবৈধ চুলাই মদৰ বিৰুদ্ধে আৰক্ষীৰ অভিযান অব্যাহত থাকিব বুলি উল্লেখ কৰে ৷