জোনাই, ১৬ অক্টোবৰঃ মহামাৰী ক’ৰণা ভাইৰাছৰ আতংকৰ ভয়াবহতাৰ প্ৰতি লক্ষ্য ৰাখি ৰাজ্য চৰকাৰে কেতবোৰ নীতি নিৰ্দেশনা জাৰি কৰিছিল ৷ তাৰ ভিতৰত ৰাজহুুৱা স্থানত মাস্ক পৰিধান কৰাতো বাধ্যতামূলক কৰিছিল ৰাজ্য চৰকাৰে ৷ তাৰ প্ৰতি লক্ষ্য ৰাখি জোনাই মহকুমা প্ৰশাসনেও মাস্ক পৰিধান কৰিবলৈ জোনাইবাসীক আহ্বান জনাই আহিছিল ৷
জোনাইত অধিকাংশ লোকে মাস্ক পৰিধান নকৰাকৈ ঘৰৰ পৰা ওলাই অহা দেখা গৈছে ৷ শুকুৰবাৰে জোনাই মহকুমা প্ৰশাসনৰ ৰোষত পৰে মাস্ক পৰিধান নকৰা বহু সংখ্যক লোক ৷ যি সকল লোকে মাস্ক পৰিধান নকৰাকৈ বাহিৰলৈ ওলাই আহিছে, সেই সকল লোকক জৰিমণা বিহিছে জোনাই মহকুমা প্ৰশাসনে ৷ উল্লেখযোগ্য যে, শুকুৰবাৰৰ দিনটোত জোনাই মহকুমা প্ৰশাসনে 25 হাজাৰ টকা সংগ্ৰহ কৰিবলৈ সক্ষম হয় ৷
ইপিনে জোনাই মহকুমাত মাস্ক নিপিন্ধা লোকৰ ওপৰত তীক্ষ্ণ দৃষ্টি ৰাখিছে জোনাই মহকুমা প্ৰশাসনে । ৰাজহুৱা স্থানত মাস্ক নিপিন্ধাকৈ ওলাই ঘুৰি ফুৰিলে কঠোৰৰ পৰা কঠোৰতম শাস্তি বিহাৰ কথা সদৰি কৰে মহকুমা প্ৰশাসনে ৷ আনহাতে এই অভিযান অবিৰত ভাৱে চলি থাকিব বুলি জোনাই মহকুমা দণ্ডাধীশ প্ৰিতম কুমাৰ দাস আৰু জোনাই আৰক্ষী থানা ভাৰপ্ৰাপ্ত আৰক্ষী বিষয়া ভীম কান্ত পেগুৱে জানিবলৈ দিয়ে।
