জোনাই, 28 অক্টোবৰ: বুধবাৰে জোনাইত সংঘটিত এক পথ দুৰ্ঘটনাৰ ফলত থিতাতে নিহত হয় এগৰাকী বাইক আৰোহী ৷ জোনাই থানাৰ সহকাৰী উপ-পৰিদৰ্শক কৃষ্ণকান্ত শৰ্মাই জানিবলৈ দিয়া অনুসৰি, নিহত বাইক আৰোহী গৰাকী তিনিচুকীয়া জিলাৰ লেখাপানী গাঁৱৰ উদয় ছেত্ৰী ৷
প্ৰাপ্ত তথ্য অনুসৰি, উদয় ছেত্ৰীয়ে তিনচুকীয়াৰ পৰা জোনাইস্থিত শহুৰৰ ঘৰলৈ গৈ আছিল AS-23 W-৮৫৬৯ নম্বৰৰ বাইকখনেৰে ৷ গৈ থকা অৱস্থাতে বিপৰীত দিশৰ পৰা গৈ থকা AS-০৭ C-৪৮৭৯ নম্বৰৰ এখন টাটা মেজিক এখনৰ সৈতে মুখামুখি সংঘৰ্ষ হোৱাৰ ফলত সংঘটিত হয় দুৰ্ঘটনাটো ৷ ১৫ নং ৰাষ্ট্ৰীয় ঘাইপথৰ নাহৰবান্ধনাত সংঘটিত হয় দুৰ্ঘটনাটো ৷ পৰৱৰ্তী সময়ত ঘটনাস্থলীত আৰক্ষী উপস্থিত হৈ সমগ্ৰ ঘটনা সন্দৰ্ভত তদন্ত আৰম্ভ কৰে ৷
