ধেমাজি, 18 এপ্ৰিলঃ বৃহস্পতিবাৰে ধেমাজিৰ প্ৰথম পৰ্যায়ৰ এটা ভোটদান কেন্দ্ৰত পুনৰ অনুষ্ঠিত হয় ভোটগ্ৰহণ প্ৰক্ৰিয়া ৷ লখিমপুৰ লোকসভাৰ সমষ্টিৰ অন্তৰ্গত ধেমাজি বিধানসভাৰ সমষ্টিৰ 165 নং ধেমাজি টাউন হাইস্কুলৰ ভোট কেন্দ্ৰত অনুষ্ঠিত হৈছে এই ভোটগ্ৰহণ প্ৰক্ৰিয়া ।
ধেমাজিত পুনৰ ভোটগ্ৰহণ
পুৱা 7 বজাৰ পৰা শান্তিপূৰ্ণ ভাৱে আৰম্ভ হৈছে ভোটগ্ৰহণ প্ৰক্ৰিয়া । উল্লেখ্য যে, 11 এপ্ৰিলৰ প্ৰথম পৰ্যায়ৰ নিৰ্বাচনৰ দিনা ধেমাজিৰ এই 880 টা ভোটাৰ যুক্ত ভোটদান কেন্দ্ৰটোত ই ভি এম ৰ বিসংগতিৰ বাবেই কেন্দ্ৰটোৰ ভোট গ্ৰহণ স্থগিত ৰাখিছিল নিৰ্বাচন আয়োগে ৷
