ধেমাজি,২৫ অক্টোবৰঃ বাৰিষা আতংকৰ সৃষ্টি কৰা ধেমাজি জিলাৰ অন্যতম গাই নদীক বৈজ্ঞানিক পদ্ধতিৰে খনন কৰি দুয়োপাৰৰ মথাউৰি নিৰ্মাণ কৰি ৰাইজক বান পানীৰ কৰালগ্ৰাসৰ পৰা মুক্তি দিয়াৰ দাবীত শুকুৰবাৰে অসম জাতীয়তাবাদী যুৱ পৰিষদ আৰু চিচিবৰগাঁও আঞ্চলিক মহিলা পৰিষদৰ উদ্যোগত আৰু স্থানীয় ৰাইজৰ সহযোগত শুকুৰবাৰে গাই নদীৰ দলঙৰ নিচেই কাষত ১৫ নং ঘাইপথ অৱৰোধ আৰু বিশাল প্ৰতিবাদী সভা কাযসূচী ৰূপায়ণ কৰা হয় ৷ গাই নদীৰ গৰাখহনীয়া ৰোধ কৰক,বৈজ্ঞানিক পদ্ধতিৰে খনন কৰি ৰাইজক নিৰাপত্তা দিব নোৱাৰা চৰকাৰ হায় হায়,জলসম্পদ বিভাগ হায় হায়,অৰ্কমণ্য জলসম্পদ বিভাগ গ' বেক শ্লগানেৰে পৰিৱেশ উত্তাল কৰি তোলে প্ৰতিবাদকাৰীসকলে ৷ উল্লেখ্য যে,বিগত বছৰ সমূহত বালিজান,কৰফলনী পাম,সাপেখাতী,টকৌ বাৰী,ভেবেলী,মাজগাঁও, চুমনী গাঁও আদি অঞ্চল সমূহত গাই নদীৰ বানে বাৰিষা বিভীষিকা সৃষ্টি কৰি আহিছে যদিও আজিকোপতি কোনো এখন চৰকাৰে ৰাইজক নিৰাপত্তা দিব পৰা নাই ৷ অসম জাতীয়তাবাদী যুৱ পৰিষদৰ কেন্দ্ৰীয় সভাপতি উজ্জ্বল চুতীয়াই বাৰিষাৰ পূৰ্বেই অৰ্কমণ্য জলসম্পদ বিভাগটোৱে বৈজ্ঞানিক পদ্ধতিৰে নদীখন খনন কৰি দুই পাৰৰ মথাউৰি অত্যাধুনিক প্ৰযুক্তিৰে নিৰ্মাণ কৰিবলৈ দাবী জনায় ৷ মথাউৰি সমূহক খীৰতি গাই হিচাপে ব্যৱহাৰ কৰা জলসম্পদ বিভাগৰ মুৰব্বী অভিযন্তা,কনিষ্ঠ অভিযন্তা আৰু ঠিকাদাৰ সকলক মথাউৰি নিৰ্মাণৰ ক্ষেত্ৰত কোনো হেমাহি নকৰিবলৈ সকীয়াই দিছে সংগঠনটোৱে ৷
লগতে পঢ়কঃ উত্তৰ গুৱাহাটী বটলিং প্লান্টত দুৰ্ঘটনাঃ প্লাণ্টৰ টেংকীৰ পৰা নিৰ্গত 500 ৰন্ধন গেছ
