জীয়াঢলৰ বাঢ়নী পানীত ব্যাহত ৰেল সেৱা

ইতিমধ্যে মুকংচেলেকৰ পৰা ডেকাৰগাঁও অভিমুখী যাত্ৰীবাহী ৰেলখন ধেমাজি ৰেল ষ্টেচনৰ পৰা পুনৰ মুকংচেলেকলৈ উভোতাই পঠাইছে ৰেল কৰ্তৃপক্ষই

ধেমাজি, 16 চেপ্তেম্বৰঃ জীয়াঢলৰ বাঢ়নী পানীৰ ফলত পুনৰ ক্ষতিগ্ৰস্ত ৰেলপথ ৷ ব্যাহত ৰেল সেৱা ৷ জীয়াঢলৰ বাঢ়নী পানী ৰেলপথ বহি যোৱাৰ ফলত সোমবাৰে সন্ধিয়াৰ পৰা ধেমাজিৰ পৰা গুৱাহাটীৰ অভিমুখী সকলো উজনি-নামনি ৰেল বাতিল কৰিছে ৰেল কৰ্তৃপক্ষই ৷ ইতিমধ্যে মুকংচেলেকৰ পৰা ডেকাৰগাঁও অভিমুখী যাত্ৰীবাহী ৰেলখন ধেমাজি ৰেল ষ্টেচনৰ পৰা পুনৰ মুকংচেলেকলৈ উভোতাই পঠাইছে ৰেল কৰ্তৃপক্ষই ৷ যাৰ ফলত হাৰাশাস্তি সন্মুখীন হ'বলগীয়া হৈছে ৰেল যাত্ৰী ৷ আনহাতে, ৰেলপথটো সুচল নোহোৱা পৰ্যন্ত ৰেল সেৱা ব্যাহত থাকিব বুলি অৱগত কৰিলে ধেমাজি ৰেলৱে কতৃপক্ষই ৷