ধেমাজি বাণিজ্য মহাবিদ্যালয়ৰ নিৰ্বাচনত ছাত্ৰ মুক্তি সংগ্ৰাম সমিতিৰ জয়

ধেমাজি বাণিজ্য মহাবিদ্যালয়ৰ ছাত্ৰ একতা সভাৰ নিৰ্বাচনত ছাত্ৰ মুক্তি সংগ্ৰাম সমিতিৰ বৃহৎ সফলতা ৷ ছাত্ৰ মুক্তি সংগ্ৰাম সমিতিৰ প্ৰাৰ্থীসকলে বিপুল ভোটত জয়লাভ কৰে । নিৰ্বাচনত সফলতা লাভ কৰাৰ পিছতে ধেমাজি নগৰৰ মাজেৰে বিশাল শোভাযাত্ৰা উলিওৱা হয় ।

ধেমাজি, ২ ফেব্ৰুৱাৰী: ধেমাজি বাণিজ্য মহাবিদ্যালয়ৰ ছাত্ৰ একতা সভাৰ নিৰ্বাচনত জিলিকিল ছাত্ৰ মুক্তি সংগ্ৰাম সমিতিৰ প্ৰাৰ্থী । মঙলবাৰে নিৰ্বাচনৰ ফলাফল ঘোষণা কৰা হয় ।মহাবিদ্যালয়খনৰ ছাত্ৰ একতা সভাৰ নিৰ্বাচনত ছাত্ৰ মুক্তি সংগ্ৰাম সমিতিৰ প্ৰাৰ্থীসকলে বিপুল ভোটত জয় লাভ কৰিবলৈ সক্ষম হয় ৷ ছাত্ৰ মুক্তি সংগ্ৰাম সমিতিৰ প্ৰাৰ্থী লীনা কাকতিয়ে সভাপতি পদৰ বাবে প্ৰতিদ্বন্দিতা কৰি জয় লাভ কৰে ।