দৰং,14 মাৰ্চ: দৰং জিলাৰ মঙলদৈ বিধানসভা সমষ্টিত কংগ্ৰেছৰ বৃহৎ খহনীয়া ৷ কংগ্ৰেছৰ সংখ্যালঘু যুৱ মৰ্চাৰ শতাধিক কৰ্মীয়ে দেওবাৰে বিজেপি দলত যোগদান কৰে ৷ নিৰ্বাচনলৈ মাজত মাত্ৰ কেইটামান দিন থকাৰ সময়তে মঙলদৈ সমষ্টিৰ অন্তৰ্গত পূৱ মঙলদৈ বিজেপি যুৱ মৰ্চাৰ উদ্যোগত অনুষ্ঠিত ভাৰতীয় জনতা পাৰ্টীৰ মঙলদৈ বিধানসভা ভিত্তিত যোগদান কাৰ্যসূচীত কংগ্ৰেছৰ শতাধিক কৰ্মীয়ে যোগদান কৰে বিজেপিত ৷
মঙলদৈত কংগ্ৰেছৰ বৃহৎ খহনীয়া
দৰং জিলা কংগ্ৰেছৰ সংখ্যালঘু মৰ্চাৰ সম্পাদক তাজৰুল ইছলাম, দৰং আমছুৰ প্ৰাক্তন সম্পাদক হিপজুল কবিৰ, তফিউল ইছলাম, প্ৰাক্তন সভাপতি আমছুসহ শতাধিক কংগ্ৰেছ কৰ্মীয়ে মঙলদৈ সমষ্টিৰ বিজেপিৰ প্ৰাৰ্থী গুৰুজ্যোতি দাসৰ উপস্থিতিত বিজেপি দলত যোগদান কৰে ৷
লগতে পঢ়ক: অসমবাসীৰ ওচৰত ক্ষমা ভিক্ষা অগপ প্ৰাৰ্থী শ্বেখ শ্বাহ আলমৰ
