লক্ ডাউনৰ মাজতে মংগলদৈ চহৰত তীব্ৰ যান-জঁট

মংগলদৈত লক্ ডাউন ভংগ কৰি একাংশ লোক অনাহকত বাহিৰলৈ ওলাই অহা পৰিলক্ষিত হৈছে ৷ কৰ'ণা সন্ত্ৰাসৰ মাজতে একাংশ লোকৰ এই কাৰ্যই হঠচকিত কৰিছে স্থানীয় লোকক ৷

দৰং, 11 মে' : সমগ্ৰ বিশ্বজুৰি কৰ'ণাই আতংকৰ সৃষ্টি কৰাৰ সময়তে একাংশ লোকে বৰ্তমানেও সজাগ হোৱা পৰিলক্ষিত হোৱা নাই ৷ তৃতীয় পৰ্যায়ৰ লক্ ডাউনৰ অন্তত নীতি-নিয়ম কিছু পৰিমানে শিথিল হোৱাৰ পিছত মংগলদৈত একাংশ লোকে লক্ ডাউন ভংগ কৰি অনাহকত বাহিৰলৈ ওলাই অহা পৰিলক্ষিত হৈছে ৷

চহৰখনৰ এল এন বি ৰোডত ব্যাপক যান-জঁটৰ সৃষ্টি হোৱাৰ উপৰিও বেংকৰ সন্মুখত কোনো ধৰণৰ নীতি-নিয়ম নামানি গ্ৰাহকৰ দীঘলীয়া শাৰী পৰিলক্ষিত হৈছে ৷

আনকি বেংকৰ এ টি এম সমূহতো কতৃৰ্পক্ষই কোনো ধৰণৰ স্বাস্থ্যগত বিধি মানি নচলাৰ বাবে জিলাখনৰ সচেতন মহল বৰ্তমান শংকিত হোৱা হৈ পৰিছে ৷

লগতে পঢ়ক : ৰাজ্যিক মৰ্যাদাৰে সম্পন্ন হ'ব বৰপেটা ৰত্ন গোকুল পাঠকৰ অন্ত্যেষ্টিক্ৰিয়া !