দৰং, 8 আগষ্ট : মঙলদৈ চহৰত ১৫ নং ৰাষ্ট্ৰীয় ঘাইপথত জব্দ বৃহৎ পৰিমানৰ গাঞ্জা । ইয়াৰ লগতে গাঞ্জা সৰবৰাৰকাৰীক আটক দৰং আৰক্ষীৰ । এখন বলেৰ’ পিক ভানত আনিছিল গাঞ্জা খিনি । আশ্চৰ্যজনকভাৱে কূটকৌশল অৱলম্বন কৰি গাড়ীখনত সচৰাচৰ ধৰা নপৰাকৈ অনা হৈছিল গাঞ্জাখিনি ৷ সৰবৰাহকাৰীৰ কৌশলে আচৰিত কৰিছে আৰক্ষীকো ৷
দেখাত খালি গাড়ী হলেও, বলেৰ’ খনৰ ডালাত জ্বালাই কৰি তাৰ মাজত লুকুৱাই অনা হৈছিল গাঞ্জাখিনি । দৰং জিলাৰ বেচিমাৰীৰ পৰা গুৱাহাটীলৈ ১৫ নং ৰাষ্ট্ৰীয় ঘাইপথৰে নি থকা অৱস্থাত মঙলদৈ সদৰ থানাৰ ভাৰপ্ৰাপ্ত বিষয়া দীনবন্ধু ভূঞাৰ নেতৃত্বত আৰক্ষীয়ে জব্দ কৰে বৃহৎ পৰিমাণৰ গাঞ্জা। বলেৰ’ গাড়ীৰ নম্বৰ হৈছে
As 01- HC- 8324 ৷
ইয়াৰ লগতে আৰক্ষীয়ে আটক কৰিছে দুই যুৱক খাইৰুল ইছলাম আৰু ৰিয়াজুল হকক । দুয়োৰে ঘৰ নগাঁও জিলাৰ বটদ্ৰৱাৰ কোবাইকটা গাঁৱত । গাঞ্জাখিনিৰ ওজন প্ৰায় ৩০ কিলোগ্ৰাম হ’ব বুলি আৰক্ষীয়ে জনাইছে । ঘটনা সন্দৰ্ভত আৰক্ষীয়ে অধিক তদন্ত অব্যাহত ৰাখিছে ।
লগতে পঢ়ক : দিখৌৰ পানীত বিৰিঙিছে খাৰুৱা তেলঃ শংকিত নৈ পৰীয়া ৰাইজ
