দৰং, ৯ জুনঃ মঙলবাৰে পুৱতি নিশা প্ৰায় ৩.৩০ বজাত দৰং জিলাৰ মঙলদৈত সংঘটিত হয় গুলীয়াগুলি । শাকতোলা দলঙৰ ওচৰত ১৫ নং ৰাষ্ট্ৰীয় ঘাই পথত সন্দেহ জনক ডকাইত আৰু আৰক্ষীৰ মাজত সংঘটিত হয় হয় গুলীয়াগুলিৰ ঘটনা ।
আৰক্ষীৰ গুলীচালনাত নিহত হয় এজন সন্দেহ জনক ডকাইত । তাৰোপৰি ঘটনাস্থলীৰ পৰা তিনিজন পলাই যাবলৈ সক্ষম হয় বুলি জানিবলৈ দিয়ে আৰক্ষীয়ে । আনহাতে, ঘটনাস্থলীৰ পৰা আৰক্ষীয়ে উদ্ধাৰ কৰে এটা .২২ পিষ্টল আৰু নম্বৰ প্লেট বিহীন এখন পালছাৰ বাইক ।
উল্লেখ্য যে, দৰঙত বিগত কিছুদিন ধৰি সংঘটিত হৈ আহিছে পথ ডকাইতি । সোমবাৰে নিশাও তেনে এটা ডকাইতৰ দলৰ সৈতে পেট্ৰলিঙত থকা আৰক্ষীৰ দলৰ সংঘৰ্ষ হোৱাৰ সন্দেহ কৰা হৈছে । অৱশ্যে বৰ্তমানলৈকে ঘটনা সন্দৰ্ভত আৰক্ষীয়ে কোনো তথ্য অৱগত কৰা নাই । আনহাতে, গুলীয়াগুলিত নিহত হোৱা ব্যক্তিজনৰ মৃতদেহ মৰণোত্তৰ পৰীক্ষাৰ বাবে মঙলদৈ অসামৰিক চিকিৎসালয়লৈ প্ৰেৰণ কৰে ।
