দলগাঁও,১২ জুন : ড্ৰাগছ তথা নিচাজাতীয় দ্ৰব্যৰ বিৰুদ্ধে অসম আৰক্ষীৰ অভিযান অব্যাহত থকাৰ মাজতে দৰং জিলাত উদ্ধাৰ জাল নোট(fake currency) । খাৰুপেটীয়া আৰক্ষীয়ে বৃহস্পতিবাৰে নিশা অভিযান চলাই জাল নোটসহ চাৰিজন লোকক আটক কৰিবলৈ সক্ষম হয় । আনহাতে এই ঘটনাৰ সংক্ৰান্তত পুনৰ শুকুৰবাৰে নিশা আটক কৰে আন এজন যুৱকক ।
ধৃত যুৱকজন বাৰৈপাৰা গাঁৱৰ ছাদ্দাম হুছেইন বুলি জানিব পৰা গৈছে । উল্লেখ্য যে খাৰুপেটীয়া আৰক্ষীয়ে বৃহস্পতিবাৰে নিশা অভিযান চলাই আটক কৰা আলী হুছেইন, আমিৰুল ইচলাম, ৰহুল আলী আৰু ইমানুল হকৰ স্বীকাৰোক্তিৰ ভিত্তিত আটক কৰা হয় ছাদ্দাম হুছেইক । ছাদ্দাম হুছেইনৰ পৰা আৰক্ষীৰ অভিযানকাৰী দলটোৱে নগদ ১৭,৫০০ টকাৰ জাল নোট জব্দ কৰিবলৈ সক্ষম হয় । ঘটনা সন্দৰ্ভত খাৰুপেটীয়া আৰক্ষীয়ে তদন্ত অব্যাহত ৰাখিছে ।
