দৰং,৮জুন : মঙ্গলদৈ ২নং বেজপাৰা গাঁৱৰ বিশেষ ভাৱে সক্ষম এগৰাকী যুৱতীৰ জীৱনলৈ নামি আহিছে অমানিশা । অতি দৰিদ্ৰ পৰিয়ালৰ প্ৰেমদা কলিতা এতিয়া দিশহাৰা হৈ পৰিছে জীয়াই থকাৰ বাবে । কিয়নো আৰ্থিক অনাতনে জুৰুলা কৰা উপৰিও,পৰিয়ালটিক এতিয়া জুৰুলা কৰিছে কৃত্ৰিম বানে । এজাক বৰষুণতেই মঙ্গলদৈৰ বহু অঞ্চল ভৰি পৰাৰ লগতে পানীৰে ভৰি পৰে যুৱতীগৰাকীৰ বাসগৃহ । ইফালে,বৃদ্ধ মাতৃৰ নাই কোনো উপাৰ্জন । কৃত্ৰিম বানৰ ফলত পৰিয়ালটোৰ থাকিবলৈ ঠাই নোহোৱা হোৱাত প্ৰেমদাই চৰকাৰ তথা বিধায়কৰ পৰা আৰ্থিক সহায়ৰ বাবে অনুৰোধ জনায় ।
মঙ্গলদৈৰ এটি পৰিয়ালৰ দুৰৱস্থা
