দলগাঁও, 23মেঃ দৰং জিলাৰ ধনশ্ৰী নৈত ভয়ংকৰ ৰূপত বাঢ়িছে নৈখনৰ জলপৃষ্ঠ ৷ কেইবা ঠাইত জীয়া ধনশ্ৰী নৈৰ বাঢ়নি পানীয়ে চিঙি নিলে মথাউৰি ফলত প্লাবিত হৈ পৰিছে জিলা খনৰ বিস্তীৰ্ণ অঞ্চল ৷
বিগত কিছুদিন ধৰি হোৱা নেৰা-নেপেৰা বৰষুণৰ ফলত ফেনে-ফোটোকাৰে বাঢ়ি আহিছে জিয়া ধনশ্ৰী নৈৰ জল পৃষ্ঠ ৷ ইতিমধ্যে ধনশ্ৰী নৈ বাঢ়নি পানীয়ে বহুমথাউৰি চিঙি নিয়াৰ ফলত দৰঙৰ দলগাঁও বিধান সভা সমষ্টিৰ কেইবাখনো গাঁও প্লাবিত হয় । দলগাঁও ৰাজহ চক্ৰৰ অন্তগৰ্ত ঘিলাধাৰী ,,ৰঙাগৰা পথাৰ ,বেজিমাৰি , ৰহমান পুৰ ভবপুৰ, নাউৰসিচা ,কছাৰীভেটি টোপ , ৪ নং শিয়ালমাৰী গাঁৱকে ধৰি কেইবাখনো গাঁৱত বানত হাহাকাৰ পৰিস্থিতি সৃষ্টি হৈছে৷ ইতিমধ্যে উক্ত অঞ্চলৰ ৰাস্তা ঘাট ,খেতিপথাৰ ,গৃহ আদি জলমগ্ন হোৱাত স্বাভাৱিক জীৱন যাত্ৰা ব্যাহত হৈ পৰিছে । আনহাতে ঘৰৰ ভিতৰলৈকে একাঠু একাঠু পানী ৷ ইতিমধ্যে বানত পুখুৰীৰ মাছকে ধৰি বিঘাই- বিঘাই বড়ো ধানৰ লগতে বহু শাক পাচলিৰ খেতি নষ্ট হৈ গৈছে৷ বড়ো ধানৰ লগতে শাক পাচলিৰ খেতি নষ্ট হোৱাত এতিয়া মুৰে কঁপালে হাত দিবলগীয়া পৰিস্থিতি সৃষ্টি হয় কৃষক সকলৰ ৷
লগতে পঢ়ক-বেঁকী নৈৰ বাঢ়নী পানীত জলমগ্ন কলগাছিয়া
