চিৰাং, 26 ডিচেম্বৰ: চিৰাং জিলাৰ ঢালিগাঁও থানাৰ অন্তৰ্গত বঙাইগাঁও শোধনাগাৰৰ মূল প্ৰৱেশদ্বাৰত ৩১নং চি ৰাষ্ট্ৰীয় ঘাই পথত বুধবাৰে মাজ নিশা আৰক্ষীয়ে উদ্ধাৰ কৰে এটা বিৰল প্ৰজাতিৰ জন্তু ৷ আৰক্ষীয়ে জনোৱা মতে, আৰক্ষীয়ে নিয়মিত টহল দি থকা অৱস্থাত দৌৰি আহি আৰক্ষীৰ গাড়ীত খুন্দিয়ায় এই জন্তুবিধে । পাচলৈ আৰক্ষীয়ে বিৰল প্ৰজাতিৰ জন্তুবিধক উদ্ধাৰ কৰি থানালৈ লৈ আহে লগতে বৃহস্পতিবাৰে পুৱাই চিৰাং বন সংমণ্ডল বিভাগৰ বিষয়া ব্ৰহ্মানন্দ পাতিৰিক গতাই দিয়ে ।
বন বিষয়াই জনোৱা মতে উদ্ধাৰ হোৱা প্ৰাণীবিধ দুষ্প্ৰাপ্য লতামাকৰি (ক্লাউডেড লিঅ'পাৰ্ড) । হিমালয়ৰ পাদদেশ সমূহত মাজে সময়ে এই জন্তুবিধক দেখিবলৈ পোৱা যায় বুলি জনায় বনবিষয়াগৰাকীয়ে। ইতিমধ্যে বন বিভাগে উদ্ধাৰ কৰি কোকৰাঝাৰৰ বন্যপ্ৰাণী চিকিৎসালয়ত চিকিৎসা কৰাইছে জন্তুবিধক ৷ পৰৱৰ্তী সময়তহে ইয়াক ক'ত এৰি দিব সেই বিষয়ে সিদ্ধান্ত গ্ৰহণ কৰিব বন বিভাগে।
লগতে পঢ়ক: অখিল গগৈৰ বাসগৃহ,কৃষক মুক্তি সংগ্ৰাম সমিতিৰ মুখ্য কার্যলয়ত NIAৰ অভিযান
