চিৰাং, 2 জুনঃ চিৰাং জিলাৰ বিজনীত লতা মাকৰি বাঘৰ পোৱালিৰ মৃত দেহ উদ্ধাৰ । ৰে'ল লাইনৰ কাষতে উদ্ধাৰ হয় বাঘৰ পোৱালিটো ।
চিৰাঙৰ বিজনীত মঙলবাৰে বিয়লি উদ্ধাৰ হয় এটা লতামাকৰি বাঘৰ পোৱালিৰ মৃতদেহ । বিজনীৰ মনেশ্বৰীৰ ৰাজাৰ পুল অঞ্চলত ৰে'ল লাইনৰ কাষতে উদ্ধাৰ হয় বাঘৰ পোৱালিটো । উল্লেখ্য যে, বহু দিনৰে পৰা মাকৰ সতে পোৱালীটো ঘুৰি ফুৰা বুলি স্থানীয় লোকে প্ৰত্যক্ষ কৰিছিল৷ কিন্ত পোৱালীটোৰ মাকজনী দেখিবলৈ পোৱা নাই যদিও পোৱালীটোৰ মৃতদেহ উদ্ধাৰ হৈছে । বাঘটো ক'ৰ পৰা আহিছিল আৰু কি দৰে মৃত্য হ'ল সেয়া এতিয়াও ৰহস্যজনক হৈ আছে । আনহাতে, ঘটনস্থলীত বৰ্তমানেও বন বিভাগৰ লোক উপস্থিত নোহোৱা বুলি সাংবাদিকৰ পৰা জানিবলৈ পোৱা গৈছে ৷
লগতে পঢ়ক- তেজপুৰত স্বাস্থ্যৰ ক্ষোভৰ বহিঃপ্ৰকাশ
