চিৰাং,11 মে’ঃ লক্ ডাউনৰ বাবে বিস্তৰ ক্ষতিসাধন হৈছে কৃষকসকলৰ ৷ শস্য উৎপাদনৰ পিছতো বজাৰৰ অভাৱত অধিকাংশ উৎপাদিত শস্য নষ্ট হৈছে পথাৰত ৷ চিৰাং জিলাৰ বেংতল বজাৰতো এজন কৃষক লক্ ডাউনৰ ফলত সন্মুখীন হৈছে বৃহৎ সমস্যাৰ ৷ কৃষকজনে উৎপাদিত পাচলি গ্ৰাহকৰ অভাৱত পেলাবলগীয়া পৰিস্থিতিৰ উদ্ভৱ হৈছে ৷
এখন অপ্ৰাদেশীকৃত বিদ্যালয়ৰ শিক্ষক হিচাপে কৰ্মৰত ব্যক্তিজনে সুদীৰ্ঘ দিন বেতনবিহীনভাৱে কাম কৰি আছে ৷ জিলাখনৰ বেংতল দুৰ্গাপুৰৰ বাসিন্দা ফৰমান আলী আহমেদ নামৰ ব্যক্তিজনে পৰিয়াল পোহপালৰ বাবে ১৫বিঘা মাটিত বিধে বিধে কৰিছে পাচলি খেতি ৷ সম্পূৰ্ণ জৈৱিক পদ্ধতিত কৰা এই খেতিৰ বাবে ঋণ লৈছিল লোকজনে ৷ কিন্তু লক্ ডাউনৰ বাবে পাচলিসমূহ পথাৰতে নষ্ট হোৱাত চিন্তাত পৰিছে ব্য়ক্তিজন ৷
পূৰ্বে বড়োভূমিত তিনিবাৰকৈ হোৱা গোষ্ঠীগত সংঘৰ্ষৰ বাবে যথেষ্ঠ ক্ষতিৰ সন্মুখীন হৈছিল চিৰাঙৰ কৃষকসকল ৷ শেহতীয়া পৰিস্থিতিৰ বাবে অধিক লোকচানৰ সন্মুখীন হৈছে ৰাজ্যৰ প্ৰতিটো অঞ্চলৰ কৃষকসকল ৷ ভাৰত তথা অসম চৰকাৰে কৃষিৰ ক্ষেত্ৰত প্ৰযোজ্য কৰা সুবিধাসমূহ সকলো কৃষকৰ ক্ষেত্ৰত প্ৰযোজ্য নোহোৱাৰ বাবে সম্প্ৰতি বিপদত পৰিছে ৰাজ্যৰ একাংশ কৃষক ৷
লগতে চাওকঃ সুলভ মূল্যৰ আঁচনিৰ কেৰাচিনৰ চোৰাং বেহা
