চিৰাং, ৬ মে': চিৰাং জিলাৰ কেইবাখনো গাঁৱত ধুমুহাৰ তাণ্ডৱ। দেওবাৰে নিশা অহা ধুমুহাত ঘৰ-দুৱাৰ, গছ-গছনিৰ লগতে চৰকাৰী শৌচালয়ো ৰক্ষা নাপালে ধুমুহাৰ তাণ্ডৱৰ পৰা। ফেনীৰ প্ৰভাৱে জিলাখনৰ গাঁৱসমূহত বৃহৎ ক্ষতিসাধন কৰে ৷
চিৰাঙতো পৰিল নেকি ফেনীৰ প্ৰভাৱ !
জিলাখনৰ বিৰ গাঁও, পশ্চিম জাউলীয়াবাৰী, বালাপাৰা আৰু ভুটীয়াপাৰাত দেওবাৰে নিশা তীব্ৰগতিত অহা বৰষুণ-ধুমুহা, বতাহে ঘৰ-বাৰী,গছ-গছনি আৰু চৰকাৰী শৌচালয় আদি ক্ষতিসাধন কৰে। সাধাৰণ জনতাই নিশাই নিজ ঘৰ এৰি আন ঠাইত আশ্ৰয় ল'বলগা পৰিস্থিতিৰ সৃষ্টি হয় । ইফালে এই ঘটনাৰ পিচতে গাঁৱৰ বাসিন্দাসকলে শীঘ্ৰে উপযুক্ত ক্ষতিপূৰণ দিয়াৰ বাবে চৰকাৰক দাবী জনায়।
