চিৰাং,6অক্টোবৰঃ চিৰাং জিলাৰ প্ৰায় সংখ্যক পূজা মণ্ডপতে ৰাষ্ট্ৰীয়তাবাদৰ চিহ্ন পৰিলক্ষিত হৈছে । দেশমাতৃৰ প্ৰতি শ্ৰদ্ধা জনাই অধিকাংশ পূজা মণ্ডপ সাজি তোলা দেখা হৈছে । চিৰাঙৰ বাসুগাঁও ৰামকৃষ্ণ আশ্ৰম পথত বিবেকানন্দ ক্লাৱৰ উদ্যোগত আয়োজন কৰা হৈছে এক ব্যতিক্ৰমি দুৰ্গা পূজা । এই দুৰ্গা পূজাৰ বিশেষ আকৰ্ষণ হ'ল ভাৰতৰ বহু বিতৰ্কিত জম্মু-কাশ্মীৰৰ ৩৭০ ধাৰা বাতিল, এক দেশ এক পতাকা আৰু বায়ুসেনা বীৰ জোৱান উইং কামাণ্ডাৰ অভিনৱ । যাৰ বাবে এতিয়া পূজাথলীত ভিৰ বাঢ়িছে দৰ্শনাৰ্থীৰ ৷ সকলোৱে পূজা চাবলৈ আহি ব্যাস্ত হৈ পৰিল ছেল্ফি লোৱাত ।
ইপিনে জিলাখনৰ বাসুগাঁও ৰেল ষ্টেচনৰ ৰোডৰ পূজা মণ্ডপটো একেই ব্যস্ততা । য'ত দেখিবলৈ পোৱা গৈছে ভাৰতীয় সেনাৰ লগতে বিএচএফ, চি আৰ পিএফ আৰু এচএচবিৰ জোৱান সকলে দিনে নিশাই নিজৰ জীৱন উৎসৰ্গা কৰি দেশৰ নিৰাপত্তাত নিয়োজিত থকাৰ দৃশ্য । ভাৰতীয় বীৰ জোৱান সকলক উৎসৰ্গা কৰি এই পূজা মণ্ডপখন মাত্ৰ ৩৫ হেজাৰ টকা খৰচ কৰি কমিটিৰ লোকে নিজেই সাজি উলিওৱাৰ কথা জনিবলৈ দিয়ে ।
