চিৰাং, ৩০ মে': চিৰাং জিলাৰ ভাৰত-ভূটান সীমান্তৰ নিজলাগুৰীত থকা নিজলা নদীৰ দলঙৰ অৱস্থা তেনেই শোচনীয় । সুদীৰ্ঘ ১২ বছৰৰ পৰাই তিনি-চাৰিখন গাঁৱৰ লোকে বাঁহ বান্ধি নিজ পৰিশ্ৰমেৰে যাতায়াতৰ বাবে নিৰ্মান কৰি আহিছে দলংখন । কিন্তু আজিও অৰ্ধ নিৰ্মিত হৈ আছে দলংখন । চৰকাৰী আঁচনিৰ ধনেৰে অৰ্ধ নিৰ্মিত কৰি থোৱাত ৰাইজে নিজেই বাঁহেৰে দলংখন নিৰ্মাণ কৰি যাতায়াত কৰিবলগীয়া হৈছে ।
নিজলাগুৰী গাঁৱৰ পৰা মলানডুবি, ডাউকা বাহা, আমটেকা আদী গাঁৱলৈ যোৱা মূল পথৰ ওপৰত এইখন নিজলা নদীৰ দলংখন ধুমুহাই ক্ষতি কৰাৰ পিচত অসুবিধাত পৰিছে ৰাইজ । লক ডাউন সদৃশ পৰিৱেশৰ বাবে ৰাইজে সমজুৱাভাৱে দলং নিৰ্মান কৰিব পৰা নাই । পানী গচকিয়েই যাতায়াত কৰিছে গাঁওবাসীয়ে ।
যিকোনো মুহুৰ্তত ভূটানত বৰষুণ পৰিলেই নিজলা নদীৰ পানী বাঢ়ি আহিব আৰু যাতায়াত বন্ধ হৈ পৰিব । গতিকে সেয়ে এইবাৰ উপায়ান্তৰ গঁঞাই বিটিআৰ প্ৰশাসনক অনুৰোধ জনাইছে দলং খন নিৰ্মান কৰি দিয়াৰ বাবে ।
লগতে পঢ়ক: কৰ'ণা মহামাৰীৰ বাবে খাদ্য সংকটত ভূগিছে ৰাজ্যৰ জীৱকুল
